Во партнерство со Argo AI и Ford, американскиот гигант за малопродажба Walmart тестира автономни возила со вештачка интелигенција за достава на производи во три американски градови: Мајами на Флорида, Остин во Тексас и главниот град Вашингтон.
Секоја од компаниите го нуди она во што е најдобра: Argo AI го дава системот за автономно возење кој ќе биде имплементиран во самовозечките коли на Ford, кои пак ќе доставуваат производи од Walmart.
Argo AI ќе го користи својот cloud-систем за да ја интегрира платформата за онлајн купување на Walmart. Патеките и распоредот за достава ќе бидат калкулирани пред возилата на Ford да тргнат кон домовите на потрошувачите.
Ваквиот сервис ќе овозможи потрошувачите да прават нарачки онлајн и да ги добиваат нарачаните производи веќе истиот или следниот ден – подвиг возможен за менаџирање во толкав размер само со помош на технологија каква што е автономната достава.
Иако ваквиот сервис засега ќе биде достапен само во три градови, компаниите планираат да ја прошират мрежата штом иницијалниот период за тестирање се покаже како успешен.
We are collaborating with @Walmart and @Ford to bring an autonomous goods delivery service to customers in Miami, Austin, and D.C. — Walmart’s first multi-city autonomous delivery collaboration in the U.S. https://t.co/05ryU3yU0g pic.twitter.com/RNKClxbCjJ
— Argo AI (@argoai) September 15, 2021
