WARC, глобалниот авторитет за огласување и медиумска ефикасност, го објави извештајот Effective Use of Brand Purpose 2018, нагласувајќи ги клучните трендови во користењето на брендирањето водено од целите во маркетинг стратегиите.
Извештајот е базиран на анализата на победниците од категоријата Effective Use of Brand Purpose на овогодинешниот меѓународен WARC натпревар. Извештајот ги идентификува честите теми од маркетинг иницијативите кои успешно прифатиле брендинг воден од целите и постигнале комерцијален успех, како и придобивки за пошироката заедница.
Со анализа на собраните податоци и кампањи, идентификувани се следните четири клучни теми поврзани со ефективна употреба на бренд целите:
Целта бара учество
Некои од најдобрите иницијативи се креирани водејќи се од идејата за учество, вклучувајќи го и добитникот на Гран-при наградата, Bodyform / Libresse. Со оваа кампања, Libresse го зголеми својот удел во секторот на женска хигиена, на начин што ја засили својата порака, која промовира храброст, смелост и решителност на брендот.
Треба да се биде претпазлив во кампањите за “зајакнување”
Додека кампањите насочени кон јакнење на жените несомнено се предизвикани од најдобри намери, сега, овој пат станува добро изоден и диференцијацијата е голем предизвик. Многумина се согласуват дека кампањите кои ја поттикнуваат моќта на жените станаа толку вообичаени што, според Govind Pandey, извршен директор во TBWA \ Индија: “Секој бренд сега се обидува да направи нешто за жените, а резултатот е дека сите се преклопуваат едни со други.” Победничките кампањи преземаат пооригинален пристап, вклучувајќи ја кампањата на Microsoft #MakeWhatsNext, кампања која ги повикува средношколките во САД да се посветат на STEM предметите, како и добитникот на Гран при, Bodyform / Libresse за кампањата #bloodnormal.
Цел која прикажува двоен ефект
Маркетингот управуван од целта сеуште е под напад од многу сфери на индустријата, но постојат случаи кои покажуваат “двоен ефект” во однос на комерцијалниот успех и социјалниот бенефит, кои се клучни во докажувањето дека целта која стои позади брендот е одржлива бизнис стратегија. “Брендот кој е воден од целта треба да биде од корист за општеството, на ист начин како што има комерцијална корист”, вели Дан Избички, основач на Ethos. Победничките кампањи кои покажаа “двоен ефект” се пиварата на Хајнекен, Tecate сместена во Мексико, која ја зголеми вредноста на својот бренд, истовремено придонесувајќи за зголемување на повиците спрема невладината организација која им помага на жртвите на семејно насилство.
ТВ е популарен канал за прикажување на целта
Досегот и капацитетот на емоциите што ги нуди ТВ како канал се уште се од клучно значење за воспоставување на целисходни кампањи. Jem Fawcus, сопственик и извршен директор на Firefish, вели: “Бренг кампањите предводени од целта, како Guinness во Велика Британија и Vaseline во САД, ја користат телевизијата за да спакуваат емоционален удар и ја наведуваат емоцијата како главна креативна стратегија”. Додека онлајн видеата и социјалните медиуми одиграа важна улога во медиумскиот микс, неспорно е дека ТВ и понатаму останува главен канал за брендовите на кои целта е во фокусот на кампањата.
Извештајот на WARC, Effective Use of Brand Purpose 2018 може да се преземе тука.
