Луѓето се толку навикнати да користат емотикони, што тие лесно може да се врзуваат во низа и со така да се пренесуваат цели фрази, па дури и параграфи – без ниту една напишана буква. Добра занимација за семиотичарите.
Сега, ни пристигнаа и веб-адреси кои се составени само од емотикони. Имено, во овие адреси нема повеќе “www.” и “.com” или некој сличен домејн, туку претставуваат точна низа на емотикони.
Новитетот го соопшти веб-пребарувачот Opera, во соработка со Yat, компанија која продава веб-адреси составени од емотикони т.е. компанија која продава емотикон-домејни.
Сопствеништвото на специфичните комбинации на емотикони, за специфични веб-сајтови, се заштитени со помош на блокчејн-технологијата. Тие може да бидат направени или во форма на Ethereum NFT или анимирани како низа на OpenSea.
Некои музичари како раперот Лил Вејн и поп-пејачката Кеша веќе си купија свои емотикон-домејни.
Дополнително, емотикони кои се ембедирани во веб-страници исто така можат да бидат линкувани до емотикон-домејни на Yat, што таа наза на емотикони ја прави навистина интегрален дел од нечиј бренд.
„Интеграцијата подеднакво се однесува на функциналност, како и на експресија“ – посочува Џулија Шинѕилорц, директор за односи со јавност во Opera.
