Низ скопските улици осамнаа мотивирачки пораки наменети за сите сонувачи за сопствен бизнис: сите големи компании се започнати во гаража ‒ време е и вашата „луда“ бизнис-идеја да стане реалност
Изминатиот период, во полн ек е кампањата за поддршка на сите храбри претприемачи/-ки што се во потрага по најдобрите услови и посветена поддршка за почеток на свој бизнис. Стартап-пакетот на Халкбанк е скроен токму по мерка на оние на кои најмногу им е потребен – на иновативните и инспиративни идни нови сопственици на бизниси.
Инспирирани од приказната за почетоците на голем број познати, светски брендови што својот бизнис го почнале во гаража, со овие инспиративни пораки Халкбанк потсетува на скромните почетоци на брендовите на кои денес сите им се восхитуваме.
Со цел да ги мотивира сите што сакаат да започнат бизнис врз основа на некоја лична идеја, притоа користејќи ги гаражите како асоцијација за успехот на огромните брендови што во своето формирање навистина почнале скромно, Халкбанк ги поддржува и ги охрабрува „младите“ претприемачи чии идни проекти ќе ја обликуваат и ќе ја унапредат економијата во нашата земја.
Финансиската понуда на Халкбанк е идеална за почеток на еден бизнис и таа се состои од стартап-кредит во износ до 3.000.000 МКД и рок на отплата до 84 месеци.
„Зад развојот на овој продукт првенствено стои недостигот на финансиска понуда, а истовремено и растот на потребата за ваков тип финансиска поддршка на пазарот. Самиот пакет е создаден врз основа на следење на пулсот на пазарот, но и врз основа на мисијата и посветеноста на Халкбанк да биде еден од предводниците и двигателите на финансискиот пазар во Македонија. Секако, важни се и визијата и препознавањето на потенцијалот што го носи ваквата понуда. Свесни сме дека голем број бизниси започнале скромно, а понекогаш и како резултат на нечија ’луда‘ идеја, разработена во рамките на својата ’стартап-гаража‘. Токму во тие моменти на бизнис-почетоци, преку овој пакет Халкбанк цели кон тоа да биде нивен ’ветер во едра‘ и да ги следи во нивните чекори на иден раст и развој“ – изјави Маја Наумовска-Савеска од Халкбанк.
Повеќе информации за стартап-пакетот на Халкбанк може да најдете на следниот линк или, пак, преку контакт со банката и нејзините филијали.
