Snapchat ја подобрува својата технологија за реклами, а неговата растечка мрежа на корисници означува и значајна закана за конкурентските мрежи Facebook и Twitter.
Snapchat може да ги надмине своите интерни проекции за зголемен приход за оваа година со оглед на брзиот прогрес и проширувањето во бизнисот со рекламирање. На почетокот на оваа година , од извештаите на Re/code, Snapchat проектираше $300 – $350 милиони долари приход оваа година. TechCrunch објави инвеститорска проекција од $500 милиони до $1 милјарда долари приходи за следната година кои се базирани врз основа на таргетите за продажба.
eMarketer забележува високи остварувања на тие проекции, односно проценето е дека приходите на Snapchat за 2016 година ќе ги надминат интерните проценки кои ќе достигнат приходи од 367 милиони долари оваа година. Се очекува надминување на тие приходи во текот на следната година. Проценетите приходи за 2017 се 935 милиони долари, а за 2018 се проценува нивно зголемување на 1.76 билиони долари.
Инвестирањето во новите технологии и реклами како и континуираниот раст на базата на корисници се само дел од индикаторите значајни за овој раст на Snapchat, кој започнува да станува закана за конкурентите како Facebook, Twitter, и YouTube кој е дел од Google ( Alphabet company).
Evan Spiegel, CEO на Snapchat првично не се согласуваше со таргетираното рекламирање на Facebook и YouTube, но затоа пак своите изјави дадени на American Magazine Media Conference, во февруари дека овој вид на таргетирање е ‘’морничаво’’ и полека ги повлекува.
‘’Постои морничаво рекламирање, а постојат и таков вид на реклами кои не те познаваат воопшто. Нашата цел е да обезбедиме секој од корисниците да се чувствува дека е доволно разбран. А кога ќе ги разберете своите корисници, направете ја секоја реклама релевантна за нив’’
Со други зборови, овој медиум презема нови чекори кон усовршување на таргетираното рекламирање без притоа да креира генерализирано рекламирање на брендовите. Snapchat прибира податоци од вашите приказни (Stories), од ‘’Live Stories’’ содржините кои ги гледате,каналите кои ги пребарувате како и другите активности кои ги правите во рамките на апликацијата.
Започнувајќи од овој квартал, адвертајзерите ќе имаат можност да користат податоци во согласност со генералните демографски информации (пол, локација, операциски систем) за да таргетираат реклами.
Во почетокот на оваа година Snapchat ги отвори своите интерфејси за реклами преку партнерската програма која вклучува акредитирани креативни агенции кои креираат понуди за рекламирање на оваа мрежа.
Инвентарот за реклами на Snapchat вклучува спонзорирани геофилтери кои се додаваат врз графика или фотографија врз основа на локацијата на корисникот како и спонзорирани леќи кои можат да се користат со цел манипулирање на фотографиите на корисниците.
Ваквиот тип на реклами се доста скапи, но затоа Snapchat стана партнер со 11 компании за анализа на мерењата кои ќе им овозможат на адвертајзерите да ги следат ROI индикаторите на своите инвестиции.
‘’Миленијалците поминуваат повеќе време на Snapchat’’
Покрај подобрувањето на функционалноста на рекламите, Snapchat се обидува да обезбеди поголема користеност, односно цели кон подолго време поминато од страна на корисниците на оваа мрежа. Најновиот извештај на comScore дојде до податок дека единствената мрежа на која групата миленијаци поминува подолго време во користење е Facebook. Snapchat изјавува дека просечниот корисник на оваа мрежа дневно поминуваа 25 – 30 минути од своето време користејќи ја апликацијата. Просечниот корисник на Facebook во согласност со нивните податоци пак, поминува околу 50 минути дневно користејќи го Facebook, Instagram, и Messenger. Просечната сесија на YouTube трае околу 40 минути во согласност со податоците на менаџментот на компанијата која стои зад овој гигант. Twitter пак не обезбедува податоци од време поминато на мрежата по просечен корисник, но во последните истражувања на агенциите тоа време е до 3 минути.
Како што се бележи се поголем раст на базата на корисници на Snapchat, како и бројот на адвертајзери, корисниците доаѓаат до поголеми содржини кои може да ги пребаруваат на апликацијата. Со претставувањето на опцијата Discover, филтерите и леќите, се обезбеди подолго време за интеракција со содржините на апликацијата што во основа е и една од потребите на растечката база на адвертајзери на оваа платформа. Twitter сеуште цврсто се потпира на директна продажба на адвертајзери на брендови што во основа креира 50% од неговите приходи. Станува збор за истите брендови кои сега стануваат привлечени од страна на Snapchat што директно резултира со слабиот раст од само 5% на Twitter за оваа година.
Facebook не е безбеден исто така, тој сеуште се обидува да привлече адвертајзери на неговата платформа Instagram кој брои околу 200,000 (во споредба со 3 милиони на Facebook). Во почетокот на ова лето, Instagram ги пушти во употреба “приказните“ кои се бледа копија на популарната особина на Snapchat – наречена stories. Целта на оваа имплементација не е спречување на корисниците да поминат повеќе време на Snapchat, туку целта е да превенираат корисниците да го напуштат Instagram поради конкурентската апликација на Snapchat.
YouTube,во меѓувреме се промовира себе си како дестинација за миленијалците. Во последното истражување на Google направено од ComScore, платформата ги искористи резултатите за да им покаже на адвертајзерите колку оваа целна група го сака овој канал.
Резултатите од истражувањето покажаа дека 35% од миленијалците го избираат Youtube пред TV, а 37% од нив на дневна основа постојано гледаат видеа на каналот.
Snapchat пак произнесе податоци дека 41% од миленијалците поминуваат одреден дел од своето време дневно. Адвертајззерите кои ја имаат оваа група во својот таргет потребно е да ги разгледаат бенефиците од користењето на оваа мрежа наспрема YouTube, што претставува голема закана за најголемиот бизнис на Google.
Со голем број на алатки и опции за рекламирање оваа мрежа започнува голем раст а со тоа го зголемува и својот приход. Додека дигиталното рекламирање расте побрзо од било кој друг вид, брзиот раст на Snapchat ќе креира амортизација на растот на големите социјални платформи како Twitter, Facebook и YouTube.
Извор: http://europe.newsweek.com/
