Со завршетокот на преостанатите неколку седмици од оваа година, компаниите веќе започнаа со креирањето на буџетите за 2017 година. Буџетот за маркетинг не само што ги дефинира очекувањата за следната година, тој исто така предвидува и начини за претставување на напорите како маркетингот ќе го поддржи бизнисот во достигнување на приоритетите и целите за следната година.
Маркетинг индустријата има свои постоечки предлог стратегии и идеи за буџетирање на ваквите активности. Иако постојат бројни аспекти на маркетингот кои е потребно да се разгледаат во насока на растење на бизнисот, сепак многу од компаниите забораваат на најважниот елемент: мерењето и аналитика на ваквите напори како клучна компонента која е потребно да постои во ваквиот буџет.
Напредните компании кои имаат визии за иднината и размислуваат во овој правец веќе забележуваат колку витално е соодветното мерење за успехот.
Но за жал, често многу од компаниите предвидениот трошок за ваквиот тип на активности го гледаат и како нешто кое нема доволна вредност.
Вредноста на мерењето и анализата на крајните резултати е од голема важност. Можеби е потребно инвестирање во имплементацијата на ваквиот тип на мерки и најдобри алатки, меѓутоа на долг рок ваквиот тип на стратегии можат да придонесат кон заштеда на пари и ресурси на долг рок.
Маркетинг буџетот може да не биде соодветно искористен доколку не анализирате што функционира за вас, а што не функционира- доколку го распределувате овој буџет без соодветно мерење и анализа тогаш можете да се ‘’расфрлате’’ со своите пари сосема непотребно доколку притоа не го измерите успехот со кој резултирале активностите во кои сте го вложиле својот буџет .
За да се припремите себе и својот тим време е да започнете да размислувате за имплементирањето на стандарди за мерење во 2017 година.
Размислете за следното: доколку вашата PR или маркетинг агенција не нуди автоматизирано решение за мерливост, добар дел од вашата инвестиција ја трошат одговорните кои наплаќаат за бројните часови поминати во покривање на новости на медиумите и социјалните канали. Вашите пари подобро ќе бидат потрошени доколку тим работи за вас и обезбедува сигурни претходно добро анализирани резултати.
Со цел да добиете или да одржувате одреден сегмент од пазарот, одговорните за комуникации потребно е да разберат дека аналитиката е неопходен дел потребен за успешна маркетинг програма.
За брендовите, инвестирањето во PR или маркетинг, често доаѓа во форма на изнајмување на агенција или консултант кој наплаќа за времето кое го поминува во комуникација со новинарите, присуство на настани, награди, пребарување и одговарање на можности за медиумска покриеност и сестрана присутност на брендот.
Кои од овие инвестиции се важни за вашата организација и кои од овие активности едноставно го трошат вашиот буџет без поткрепа за мерење на ROI?
Брендовите и агенциите добро е да се запознаени со ваквиот тип на информации.
Дали зборувањето или добивањето на награди ја зголемува присутноста и свесноста за брендот на пазарот повеќе од било која друга активност?
Пред да го зголемувате својот буџет за маркетинг, размислете дека ваквиот тип на аналитика може да ви помогне при креирањето на бенчмаркови за очекуваниот перформанс на активностите. Ваквиот пристап може да идентификува шеми за успешна работа кои можете да ги употребувате наспроти стратегии кои не функционираат и кои треба да ги исфрлите или да го пренасочите својот фокус од истите.
Доколку инвестирате во агенции, награди, медиуми, настани, говори, содржини, аналитика и сл- но не сакате да инвестирате во алатки за мерливост на истите, ви недостига најважниот елемент на една паметна стратегија и веројатно ги трошите во поголема мера од потребното своите финансии.
Не можете да го мерите она што не го следите.
Со напредокот на маркетинг и ПР аналитиката и технологијата, податоците се достапни на дофат на нашата рака, и инвестициите, аутпутите и резултатите можат да бидат подредени во една статистика. Шемите за успех може да бидат идентификувани и следливи, а помалку успешните иницијативи, може да предизвикаат промена на насоката. Буџетот може да биде следен паметно и притоа истиот да осигура подобро следење на инвестициите од кога и да е.
Не заостанувајте зад другите, мерењето е важно за успехот и технологијата е подостапна од кога и да е.
Не секоја PR кампања, буџет или клиент може да се стават на едно рамниште.
Трошоците за мониторинг, мерење и анализа зависат од големината на брендот или клиентот и PR активностите кои ќе се прилагодат за истите.
Поголемите компании на пример, имаат поголем број на податоци за прибирање и анализа за разлика од помалите компании, тие можеби имаат и повеќе PR настани, награди и јавни говори за разлика од еден помал бренд.
Поголемите PR агенции ќе имаат поголем број на клиенти и конкуренти кои е потребно да ги мониторираат или пак клиенти кои имаат потреба од извештаи со поголем број на ставки.
Со дефинирањето на оваа потреба, наша препорака е за индивидуален бренд или еден клиент, просечната инвестиција за PR/мар анакетинглитика потребно е да изнесува 5-10% од вкупниот буџет за активноста или стратегијата.
Потребно е да се земат во предвид неколку прашања кога станува збор за изборот на пакетот за аналитика вклучувајќи:
- Колкав процент од вашиот маркетинг буџет е алоциран во специфичните програми? Дали ваквиот тип на алатки се преклопуваат со други области на маркетингот?
- Кои алатки ќе продолжат да се користат за мониторинг, автоматизација на маркетингот и технички алатки? Дали сите овие се вклучени во буџетот за аналитика?
- Како ќе се користат податоците? Осигурувањето дека инвестицијата не е само за да се потсетиме што се случило, но и да се анализираат шемите за успех кои е потребно да се повторуваат и да се издвојат од оние кои не функционираат
- Како ќе бидеме сигурни дека податоците ќе ни обезбедат да задржиме и добиеме нови клиенти и да ја зголемиме нашата ефективност за PR интерно?
- За една агенција, дали планот за мерење и извештајот соодветствува со очекувањата на клиентот?
