“Социјалната мрежа забележа приход од 2.68 милијарди долари од огласување во вториот квартал годинава“
Еден ден, доколку тоа го сака, Фејсбук може слободно да го затвори својот десктоп сајт и да стане исклучиво мобилна компанија.
Мнозинството од огласувачкиот приход на социјалната мрежа, односно 62% од вкупните 2.68 милијарди долари кои Фејсбук ги оствари од огласување во вториот квартал оваа година, според резултатите објавиени минатата среда, доаѓаат од неговата мобилна верзија. И се’ поголем процент од своите дневни и месечни активни корисници го употребуваат Фејсбук на нивните таблети или паметни телефони. Во овој момент, 30% од месечните корисници го користат Фејсбук само на нивните таблети или паметни телефони.
Две години откако Фејсбук ги воведе своите први мобилни реклами и како примарна ја усвои мобилната стратегија, очигледно е дека Фејсбук воглавно стана мобилна компанија. Две од најголемите аквизиции на социјалната мрежа изминатиов период – Instagram и WhatsApp, исто така се мобилни апликации.
Но, Фејсбук не мора да биде исклучиво мобилна компанија, како што покажуваат неговите резултати од вториот квартал. Тој сеуште прави еден куп пари од десктоп огласување. Конвертирањето на мобилниот дел на огласувачкиот приход во вистински долари нуди поглед како се движеле приходите од мобилното и десктоп огласувањето во изминатите седум квартали.
Како што графиконот покажува, приходот од мобилното огласување на Фејсбук има огромен раст. Приходите од десктоп огласувањето исто така се зголемуваат, но не како порано.
Еве графикон кој го покажува растот на двата типа на огласување во последните три квартали.
За да го катализираат растежот на приходите од десктоп огласувањето, Фејсбук бараше начини како да ги убеди огласувачите да плаќаат повеќе за огласување на социјалната мрежа. Тој додаде видео реклами и нов начин за таргетирање на корисниците врз база на сајтовите кои тие ги прегледуваат и надвор од Фејсбук.
Фејсбук го намали бројот на реклами кои им ги прикажува на корисниците, а ги покачи нивните цени се со цел намалениот број на реклами да не се одрази врз огласувачкиот приход. Просечната цена на една поединечна реклама на Фејсбук пораснала за 123% на годишно ниво, додека вкупниот број на реклами се намалил за 25%, истакна Дејвид Вехнер, CFO на Фејсбук, за време на презентацијата на приходите на компанијата во средата.
Голема улога во покачувањето на цените на огласување и намалувањето на квантитетот на огласување има локацијата каде корисниците се среќаваат со рекламите – news feed-от, особено на мобилен. Се’ повеќе од рекламите на Фејсбук се појавуваат во news feed-от на корисниците, за разлика од десната страна на екранот, бидејќи не постои таков дел при мобилната верзија на Фејсбук.
News feed-от е и местото каде што се наоѓаат поскапите и попопуларни реклами на Фејсбук – новите видео клипови и сеприсутните инсталациони реклами за мобилни апликации. Фејсбук сеуште не ги има целосно отворено вратите за видео рекламирањето. COO Шерил Сандберг изјави дека само мал број на кампањи ги гористат новите видео реклами.
Г-ѓа Сандберг во изјава пренесена од AdAge се обиде да ги намали тврдењата дека Фејсбук премногу се потпира врз мобилните реклами промовирајќи инсталација на други апликации. “Рекламите за инсталација на мобилни реклами сочинуваат добар дел од нашиот мибилен огласувачки приход, но не целосно или во големо мнозинство”, изјави таа.
Рекламите кои промовираат инсталација на други мобилни апликации на Фејсбук сигурно му носат повеќе пари отколку видео рекламите, рекламите на Instagram и компаниската мобилна ad мрежа. Придонесот кон приходот на секој од тие три продукти се очекува да остане мал во скоро време, изјави Вехнер.
Фејсбук го зголеми приходот од огласување по корисник на 2.06 долари во вториот квартал, додека пред една година таа бројка изнесуваше 1.41 долари. Со оглед на тоа, и имајќи во предвид дека бројот на активни корисници на Фејсбук оди во нагорна линија без знаци на успорување, истото треба да важи и за неговите огласувачки приходи.
Но, еден ден корисничкиот раст на Фејсбук може да го достигне својот врв, или огласувачите повеќе да не го отвораат својот паричник многу широко. За да се заштитат од тоа (или да не бидат принудени да ги преплават своите корисници со повеќе реклами), компанијата треба да започен да гледа надвор од Фејсбук. Тоа и го прави.
Претходно годинава, Фејсбук ја воскресна својата мобилна огласувачка мрежа. Така Фејсбук се отвори за огласувачи кои сакаат да купуваат реклами таргетирани од моќната корисничка база на Фејсбук, без притоа да се ограничуваат тие реклами да се вратат само на Фејсбук.
Потоа, овој месец компанијата прифати да ја купи видео огласувачката мрежа LiveRail, која опслужува видео реклами на други сајтови. Тие видеа се типично поскапи од обични банери, и тој дел ќе му припаѓа на Фејсбук штом ќе се заврши купопродажниот договор.
Мобилните и видео огласувачки мрежи во сопственост на Фејсбук се начини како компанијата може да го осигура растежот од огласувачкиот приход да не зависи премногу од растежот на корисници. Евентуално Фејсбук може да ја прошири својата огласувачка мрежа на кој било вид на дигитално рекламирање, со што би го следел начинот на игра на дигитал-медија џиновите како Google, Yahoo и AOL, кои, како и Фејсбук, зависат од огласување.
Извор: Ad Age
