Home » Компании » 7 Дијаманти од Божиновски, за 7 дијаманти на Браќа Манаки во чест на 65 годишнината од дијамaнтот на македонската кинематографија – филмот “Фросина”

7 Дијаманти од Божиновски, за 7 дијаманти на Браќа Манаки во чест на 65 годишнината од дијамaнтот на македонската кинематографија – филмот “Фросина”

Божиновски часовници и накит како партнер на фестивалот на филмска камера “Браќа Манаки” Битола, доделува 7 дијаманти, на 7те “дијаманти” на Браќа Манаки. Целта на ваквиот потег е да се поддржи кинематографијата и преку ваквото признание да се уважат и мотивираат создавачите на филмот да се создадат уште бројни дела кои ќе останатат запишани во историјата на филмот.

“Секој живот има свој почеток и свој крај, зад нас остануваат само делата кои што ги создаваме во текот на својот живот, во ова вечно градилиште. Филмот е можеби најсилниот печат кој ја има моќта да зборува за одредена временска истанца и на тој начин да го задржи континиумот на вечноста. Токму затоа одлучивме на симболичен начин да ги испочитуваме творците на филмови и луѓето кои придонесуваат за неговото опстојување, затоа што нивните дела се дијамантите кои ќе сјаат во иднината, идентично како што денес 65 години подоцна првиот македонски игран филм Фросина сјае зборувајќи ни за минатото. За нас како компанија, како Божиновски часовници и накит нема поголема чест да го уважиме овој момент и на симболичен начин да дадеме подршка на македонската кинематографија. Нека делата на македонските филмски дејци  бидат вечни исто онака како што се вечни дијамантите”, изјави Ана Божиновска бренд менаџер во Божиновски часовници и накит.

Еден дијамант беше доделен на лауреатот PIERRE LHOMME по неговиот Master Class одржан во склоп на Браќа Манаки фестивалот. Останатите 6 дијаманти ќе се дадат на коктел кој ќе се одржи во чест на 65 годишнината од филмот Фросина  кој претставува своевиден дијамант на македонската кинематографија.

 Од Божиновски часовници и накит нагласуваат дека ќе продолжат со континуирана поддршка на се она што значи култура и уметност во нашата земја бидејќи задача на сите, а особено на компаниите е да најдат сила, но и љубов да го поддржуваат творештвото во нашата земја и од неа да направиме попријатно место за живеење.

Автор

Leave a Reply

Your email address will not be published. Required fields are marked *

*

Marketing365 Marketing365 Marketing365