„Клиентот е секогаш во право“ – сите сме ја слушнале оваа реченица милион пати во животот. Некои се согласуваат, некои не. Но, едно е сигурно – некои клиенти знаат навистина да ви го отежнат животот. Меѓутоа, во вистински монтипајтоновски дух – „Секогаш гледај на светлата страна од животот“ – српскиот копирајтер Марко Новаковиќ создаде одличен сатиричен проект на социјалните медиуми кој се осврнува токму врз овој дел од агенцискиот живот, претворајќи ја евентуалната негативна енергија помеѓу креативците и клиентите во хумор – на креативците давајќи им повод за смеење, на клиентите можност да научат како не треба.
Нам толку ни се допаднаа хуморот на „Klijent Je Uvek U Pravu“, што се решивме да внесеме малку ведрина во порталот и во неколку постови да внесеме дел од досетките кои најмногу нe’ изнасмееја. :)
