(02.09.2020) – По објавувањето на неколку од своите оригинални документарни филмови за бесплатно гледање на YouTube, стриминг сервисот Netflix додаде и бесплатна категорија во која луѓето кои не се корисници може да „вкусат“ што пропуштаат на платформата и евентуално да одлучат дека дојде време да се претплатат на Netflix.
Во категоријата “Watch Free” („Гледај бесплатно“) достапна на веб-сајтот на Netflix, посетителите може да гледаат неколку оригинални играни филмови и први епизоди од серии на Netflix, вклучувајќи ги Stranger Things, Murder Mystery, Elite, Bird Box, When They See Us, Love is Blind, The Two Popes, Our Planet и Grace and Frankie.
На самата страница, компанијата се пофали дека е „премиерната дестинација за сите ваши потреби за забава“, додавајќи дека не треба да им се верува само на зборот, туку секој да се увери сам преку прегледувањето на некои од нивните омилени филмови и серии, бесплатно. Меѓутоа, доколку луѓето сакаат да продолжат да гледаат – ќе мора да се претплатат.
