Португалската фудбалска ѕвезда Кристијано Роналдо ги здружи силите со британскиот режисер и продуцент Метју Вон за да основа независно филмско студио, наречено “UR•Marv”, кое ќе се фокусира на „прифаќањето иновативни технологии, со наклонетост кон традицијата“.
„…. иии акција! Возбуден сум што можам да го најавам UR•MARV, моето ново филмско студио со Метју Вон, и едвај чекам да ви кажам за нашиот прв филм. Наскоро!“ – напиша Роналдо на социјалните мрежи.
Метју Вон е најпознат по продукцијата на филмовите „Lock, Stock and Two Smoking Barrels“ (1998) и „Snatch“ (2000), додека исто така е режисер, продуцент и ко-сценарист на франшизата „Kingsman“ (2014 – 2024).
„Кристијано има создадено приказни на теренот што никогаш не би можел да ги напишам и со нетрпение очекувам да создадам инспиративни филмови со него – тој е вистински суперхерој“ – рече Вон во соопштение до јавноста.
… and action! 🎬 I’m excited to announce UR•MARV, my new film studio with Matthew Vaughn, and can’t wait to tell you about our first movie. Coming soon! 👀 pic.twitter.com/gr8Lffhom3
— Cristiano Ronaldo (@Cristiano) April 11, 2025
