Платформата за аудио содржини на Amazon, Audible, го консолидираше својот глобален медиски договор вреден 500 милиони долари со избор на агенцијата Wavermaker од мрежата на Group M, дел од групацијата на WPP.
Audible е платформа која нуди повеќе од 700,000 аудио книги, подкасти и оригинални аудио содржини, а оперира во 10 земји низ светот – САД, Канада, Обединетото Кралство, Шпанија, Франција, Италија, Германија, Индија, Јапонија и Австралија.
Досега нивното медиско планирање и купување беше реализирано од страна на различни агенции на различните пазари, но по извршената медиска ревизија – тоа ќе биде ексклузивна задача за агенцијата Wavermaker.
За учество на конкурсот биле поканите сите големи медиски компании, додека пак целиот процес бил реализиран со помош на консултантската компанија ID Comms.
Покрај Audible, други клиенти на Wavermaker се Mondalez, L’Oral, ViacomCBS, Coinbase, DoorDash и други светски компании.