Home » Во фокусот » Bella со моќна кампања за борбата против ракот на дојка

Bella со моќна кампања за борбата против ракот на дојка

Провери се, никој не гледа“ е насловот на новата кампања на Bella, реализирана во соработка со агенцијата Masiva, со која се приклучи во подигнувањето на свеста за борбата против ракот на дојка.

Во овие „розови денови“ Bella како општествено одговорна компанија се залага за тоа да допре до дамите и да ја подигне свеста за борбата против оваа болест. Во текот на целиот месец октомври, во продажните салони, Bella ја спроведува герила кампањата со картички закачени на горните парчиња облека.

На картичките е испишан моќниот слоган „Провери се, никој не гледа“, а од задната страница со илустрации е претставено упатство за самостојна проверка на градите.

Картичките се поставени на видливо место на парчето облека, но својата цел најдобро ја постигнуваат кога дамата ќе се најде сама во гардеробата и има можност да се соочи со стравот и да направи проверка.

Денеска, покрај тоа што една од осум дами во светот се соочува со рак на дојка, оваа болест сѐ уште е тема за којашто никој не сака да разговара. Поради тоа, Bella со оваа кампања ги охрабрува дамите редовно да се проверуваат, задржувајќи ја својата приватност и ги поддржува сите кои се соочуваат со оваа борба.

Како заокружување на кампањата, вчера (24.10.2018) беа запалени розови светла во продажните салони, во чест на сите дами кои ја преживеале, се соочуваат или ја изгубиле борбата со ракот на дојка.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.

Marketing365 Marketing365 Marketing365