Аргентинската фудбалска ѕвезда Лионел Меси неодамна го постигна својот 644 гол за Барселона, надминувајќи го рекордот на Пеле за најмногу постигнати голови во еден клупски дрес.
По тој повод, пивскиот бренд Budweiser се реши да создаде специјално шише пиво, испраќајќи му по едно на секој голман кој не успеал да одбрани шут на Лионел Меси. Секое шише е нумерирано со соодветниот од 644-те голови на Меси.
Вкупниот број на голмани кои ќе добијат „пакет“ од Budweiser е 160, меѓу кои се и познати имиња како Џанлуиџи Буфон, Икер Касилјас и Јан Облак.
„644 голови = 664 моменти од магијата на Меси. И да, создадовме специјално шише за секој еден гол, со цел испраќање на голманите да наздрават за нивниот удел во историјата. Кралевите ги препознаваат кралевите,“ напиша Budweiser на Твитер по повод новата пивска серија.
What makes 644 even more special?
The fact Leo Messi scored against the best keepers in the world to break the record.
Which is why we’ve sent custom bottles to all 160 keepers for all 644 goals, to toast their part in history. #BeAKing #Messi #KingOfBeers #KingOfFootball pic.twitter.com/pCPtXj0I8E
— Budweiser Football (@budfootball) December 24, 2020
