Француската корпорација за прехрамбени производи Danone го додели својот глобален креативен договор на агенциите BETC и Havas Creative – и двете дел од француската маркетинг групација Havas на Vivendi.
Избраните агенции ќе бидат задолжени за исполнување на сите креативни маркетиншки потреби на глобалните брендови на Danone, вклучувајќи ги Activia, Actimel, Danonino, Alpro, Yopro, Evian, Volvic, но исто така и голем број на локални брендови.
Ревизијата на креативниот договор на Danone започнала во октомври минатата година, а била спроведена од страна на американската консултантска агенција R3.
„Havas се почестени и горди што ќе ја придружуваат Danone низ целиот свет, во остварувањето на нивните амбиции за храна и здравје. Ќе ги мобилизираме сите наши средства – нашите таленти, силната интеграција на нашите бизниси, нашата значајност и моќта на целата Групација Vivendi“ – истакнува Јаник Болор, претседател и извршен директор на агенциската групација Havas и претседател на медиската групација Vivendi.