Еко-активисти побараа од Џеф Безос да ја купи Амазонската шума

Амазонската шума сé уште гори. Само во август, скоро 26,000 огнови дивееја во еден од најкомплексните и најразновидни еко-системи во светот. Ситуацијата е навистина загрижувачка.

Со цел да привлече што е можно поголемо јавно внимание кон проблемот, анонимна група на креативци направија видео со кое побараа од Џеф Безос, сопственикот и генерален директор на најголемата светска платформа за онлајн трговија Амазон, да ја купи Амазонската шума.

Видеото на анонимната група, која наводно е поврзана со „меѓународната аполитичка еколошка мрежа“ Extinction Rebellion, беше објавено преку NowThisNews. „Купи ја шумата која го даде името на твојата компанија и чувај ја за нас,“ е пораката која му беше испратена на Џеф Безос.

Меѓутоа, од групата не се оптимисти дека милијардерот ќе ги послуша. „Џеф е лош филантроп кој богатството го гледа на поинаков начин и реално не веруваме дека ќе одговори. Ова е повеќе обид да се предизвика дискусија помеѓу другите луѓе за моќта и контролата и се надеваме дека тие ќе го гледаат светот на еден поинаков начин,“ изјавил еден од анонимните креативци за Adweek.

р е к л а м а