Сопственикот на компаниите Tesla, Space-X и Neuralink, Елон Маск јавно му порача на најбогатиот човек во светот Џеф Безос, инаку сопственик на Amazon, Blue Origin и The Washington Post, дека време е монополот на Амазон да се растури.
Поводот за ваквиот коментар беше повлекувањето на книгата “Unreported Truths About COVID-19 and The Lockdown” („Неизвестени вистини за Ковид-19 и карантинот“) на Алекс Беренсон, репортер на New York Times, од издавачкиот оддел Kindle на Amazon поради кршење на неименувано правило.
Очигледно дека Елон Маск, инаку гласен говорник против карантинот и затворањето на бизнисите за време на корона-пандемијата, не беше задоволен од одлуката за повлекување на книгата, па на Твитер напиша: „Ова е лудо @JeffBezos“, додавајќи деке „Време е да се растури Амазон. Монополите се погрешни!“
Time to break up Amazon. Monopolies are wrong!
— Elon Musk (@elonmusk) June 4, 2020
Amazon подоцна соопшти дека повлекувањето на книгата било грешка и дека таа ќе биде вратена на Amazon Kindle, за што го контактирале и нејзиниот автор Алекс Беренсон.
