Со новиот слоган ‘Make the right connections’, Financial Times лансираше кампања за репозиционирање на брендот.
Кампањата демонстрира како Financial Times – кој што беше купен од јапонската група Nikkei минатото лето – може да ги одведи читачите подалеку од самите наслови и да им помогне да ги поврзат точките помеѓу настаните и прашањата во еден се’ повеќе меѓусебно поврзан свет.
Промените на кинеските навики на јадење и потенцијален излез на Британија од ЕУ, се меѓу креативите за првиот дел од кампањата.
Кампањата, осмислена од адвертајзинг агенцијата adam&eveDDB и развиена во соработка со внатрешните бренд, маркетинг и креативни тимови на Financial Times, ќе биде промовирана преку различни дигитални медиуми и принт реклами во Обединетото Кралство, САД и Азија, и ќе ги насочува читателите на новиот онлајн бренд хаб на Financial Times, или до индивидуални стории. Поставувањето на рекламите е раководено од страна на Essence Digital.
Дарси Келер, потпретседател за комуникации и маркетинг на FT, изјави дека таа почнала да зборува за новата кампања од минатото лето, осврнувајќи се на тоа како потрошувачите очекуват конзистентност низ различните канали.
Откако ги презеде бренд маркетинг одговорностите во Јуни, Келер рече дека сакала да создаде кампања која ќе функционира преку различни маркетинг категории и техники. “Ова е првата маркетинг кампања на Financial Times која е навистина интегрирана – во минатото, тие не беа толку координирани и поврзани како што ние би сакале,” изјави таа.
Келер додаде дека новиот слоган “е во линија со она што нашиот бренд претставува,” и дека принт изданието на идните броеви на магазинот нема да изгледаат ништо поразлично, објаснувајќи: “Овде не се работи за промена на производот, туку сметаме дека повеќе е за поврзување на маркетингот со производот. Тоа е есенцијално маркетинг воден преку содржини, со новинарството како продажна алатка.”
Кампањата ја таргетира постоечката и нова публика, при што Келер дополни: “Ние дефинитивно сакаме reach, но ние сакаме она што го викаме квалитетен reach – постојана и потенцијална публика која ќе се враќа. Размерот е одличен, но крајно, ние сакаме луѓето да ни се враќаат.”
Џејмс Марфи, ко-основач и CEO на adam&eveDDB, изјави: “Кај Financial Times се работи за вредноста на информацијата, не само за обемот. Тој нуди неспоредливи вести, коментари и анализи – но, најважно, тој ги прави конекциите што им овозможуваат на неговата софистицирана публика да напредува. ”
