Најновиот паметен часовник ја зголемува можноста за персонализирање на добросостојбата на повисоко ниво, овозможувајќи поголема флексибилност од било кога досега со помош на LTE технологијата за поврзување
Samsung Electronics Co., Ltd. денес го претстави Galaxy Watch Active2, најновиот додаток на Samsung Galaxy портфолиото на паметни часовници. Како дел од Galaxy семејството, Galaxy Watch Active2 содржи нови, интуитивни, рафинирани функции кои допринесуваат истиот да се вклопи повеќе во животниот стил на корисниците, притоа помагајќи им да ги унапредат своите здравствени и велнес-цели, како и непрекинато и вмрежено секојдневие.
Galaxy Watch Active2 го подобрува квалитетот на животот со мали, но значајни дневни промени – од постигнување на велнес-целите како што се мониторинг на спиењето, вежбањето и нивото на стрес, до ефикасно исполнување на обврските. Без разлика дали сакате да медитирате, добивате известувања за секоја новост, или да се опуштите, Galaxy Watch Active2 ја надополнува вашата животна рутина, додека истовремено е дополнет со префинет и дефиниран стил.
„Пазарот на паметните часовници расте со голема брзина и ние во Samsung сме многу возбудени што континуирано го шириме нашето присуство на нови и визионерски начини,“ изјави DJ Koh, претседател и извршен директор на IT и мобилните комуникации во компанијата Samsung Electronics. „Со Galaxy Watch Active2, креиравме уред кој ќе им овозможи на потрошувачите да превземат контрола над своите здравствени и велнес-цели, со непречено поврзување помеѓу нивните уреди, како и целиот Samsung Galaxy еко-систем, правејќи ги нивните животи полесни и подобри,“, додаде DJ Koh.
Дизајн со цел, прилагоден на вашиот живот
Galaxy Watch Active2 има врвен дизајн и истовремено е визуелно убав и прилагодлив на вашиот животен стил. Достапен е во две димензии – со пречник од 44мм и 40мм – и во два стилови: лесен алуминиум Fluoroelastomer (FKM) со кежуал-каиш како и премиум верзија од не’рѓосувачки челик со кожен каиш. Овој паметен часовник можете да го персонализирате со помош на широкиот асортиман на каиши во различни стилови, како и повеќето опции за маската на часовникот.
Galaxy Watch Active2 содржи напредна ротирачка рамка – која го прави дигитален и уште повеќе погоден за користење, со зголемување на големината на екранот. Часовникот сега има преубав закривен Super AMOLED екран, додека дигиталната рамка се врти во насока на показалките на часовникот, како и во спротивната насока, како би можеле уште полесно да им пристапите на омилените апликации. Покрај тоа, подобрениот One UI нуди едноставно и природно корисничко искуство за управување на уредот.
За корисниците кои покрај својот сакаат часовник со истенчен и префинет стил, сега е можно да се промени и позадината на Galaxy Watch Active2 часовникот со помош на My Style[1] алгоритмот за апстрактни бои. Овој алгоритам функционира во склоп на Galaxy Wearable апликацијата – потребно е само да ја фотографирате вашата модна комбинација, да одберете од петте различни варијации на бои и позадината на вашиот часовник ќе се промени во рок од неколку секунди. Можете да го усогласувате вашиот личен стил секој ден – или да го зачувате омилениот стил за повторна промена.
Совршен сопатник за вашите велнес-цели
Galaxy Watch Active2 може да биде и ваш водич за постигнување на подобри здравствени и велнес-цели, нудејќи вредни информации кои можат да ви помогнат да донесете позитивни одлуки во рамките на вашиот животен стил кога е во прашање исхраната, тренингот, психичкото здравје, спиењето и слично.
На пример, додека тренирате, паметниот часовник може мануелно да следи повеќе од 39 видови на тренинзи, од кои автоматски активира седум – вклучувајќи трчање, пешачење, возење велосипед, пливање, веслање, нордиско скијање и динамичен тренинг. Со подобрената апликација, Running Coach, можете да ја следите брзината на трчањето во реално време и да уживате во седумте различни програми за трчање кои ви помагаат да ги постигнете целите.
Galaxy Watch Active2 дури воведува и иновативни здравствени сензори на позадината на куќиштето, кое овозможува брзо вчитување, како би можеле што побрзо да добиете информација за да ја подобрите вашата тренинг рутина и да се најдете на правиот пат.
Galaxy Watch Active2 истотака помага во следењето на секојдневното ниво на стрес во реално време со помош на Samsung Health, нашата популарна здравствена и велнес-апликација[2].
Дополнително подобрете ја можноста за поврзување во секојдневниот живот со семејството Galaxy
Galaxy Watch Active2 го унапредува вашиот квалитет на живот со можноста за поврзување на секојдневната рутина, како и со другите уреди, дури и додека сте во движење.
Galaxy Watch Active2, со помош на LTE технологијата, ви овозможува со истиот да одговарате на повици, додека пак друштвените мрежи ви се достапни на дофат на прстите, нудејќи ви подобро управување. Сега можете да лајкувате пост на социјалните мрежи или да гледате кратко видео директно од зглобот на вашата рака. Можете дури и да патувате низ светот со поголема самодоверба бидејќи Galaxy Watch Active2 има можност да преведува глас во реално време, како и текстови на повеќе од 16 јазици[3].
Составен дел од Galaxy еко-системот
Како дел од Galaxy семејството, за оние кои сакаат повеќе Galaxy Watch Active2 го претставува најдоброто од Samsung Galaxy еко-системот. Кога на пример Galaxy Watch Active2 е поврзан со вашиот Galaxy паметен уред, Watch Camera Controller[4]-от на часовникот ви дозволува да правите фотографии, снимате видео снимки, да гледате содржини, да се префрлате од предната и задната камера и обратно, да подесувате тајмер и да одобрувате финално видео или фотографија – сè преку вашиот зглоб. Истотака можете да го користите Wireless PowerShare на вашиот Galaxy паметен телефон за да ја дополните батеријата на часовникот на лесен и интуитивен начин.
Покрај сè од наведеното, сите Samsung услуги кои ги добивате со помош на Galaxy еко-системот – како што се Samsung Health, SmartThings, Samsung Pay[5] и други – беспрекорно се интегрирани со вашиот часовник и другите уреди. Можете да користите на пример Bixby за да управувате со часовникот, да започнете тренинг или да ја проверите временската прогноза. Секако, сè кое правите е заштитено со помош на технологијата Knox.
За повеќе информации за Galaxy Watch Active 2 посетете ја news.samsung.com/galaxy, www.samsungmobilepress.com .
* * *
[1] My Style поздаините за часовници се достапни само на Galaxy/Android телефоните.
[2] Следењето на стресот не е активирано за време на тренингот и спиењето.
[3] Поддржан од страна на апликација од трети соработници од Galaxy Store. По фабричките подесувања, јазиците кои се достапни се арапски, кинески, дански, англиски, фински, француски, германски, индијски, индонезиски, италијански, јапонски, корејски, португалски, руски, шпански и виетнамски.
[4] Може да се симне преку Galaxy App Store. Апликацијата е компатибилна со Galaxy S10e/S10/S10+/S10 5G, Note9, S9, S9+
[5] Само NFC поддршка. Достапноста на Spotify услугата варира зависно од регионот.
