Анимацијата на хибридно суштество помеѓу мачка и торта кое трча по небото и остава трага од виножито (“Nyan Cat”) е едно од најпознатите и најпопуларни парчиња на дигитална уметност во последната деценија, а неодамна беше продадено за половина милион долари.
Оваа година се навршуваат точно 10 години од лансирањето на Nyan Cat и по тој повод, креаторот на анимацијата, Крис Томас, направи мала доработка на неа, така што отстрани една погрешна ѕвезда од позадината на ноќното небо.
Ажурираната т.е. „remaster“ верзија на анимацијата потоа беше поставена на платформата за крипто уметност “Foundation”, со ветување од авторот дека до крајот на неговиот живот нема да продаде друга варијанта на Nyan Cat.
На крајот, ГИФ-анимацијата беше продадена за скоро 300 Ether (тип на крипто валута), што е еквивалентно на 519,174 американски долари.
Продажбата на крипто уметност добива на сé поголема популарност и претставува дигиталниот еквивалент на купување оригинални уметнички дела во физичка форма и нивно приватно поседување. Со цел верификација на автентичноста и сопственоста на крипто уметничките дела се користи постојан незаменлив токен (NFT – “non-fungible token”) кој не може да биде реплициран.
Just opened up the flood gates to the future of meme economy in the Crypto universe, no big deal~
But seriously, thanks for believing in Nyan Cat all these years. I hope this inspires future artists to get into #NFT universe so they can get proper recognition for their work! pic.twitter.com/JX7UU9VSPb
— ☆Chris☆ (@PRguitarman) February 19, 2021