По повеќе од 11 години поминати во компанијата, Крис Риди се повлече од функцијата глобален директор за маркетинг и продажба на социјалната платформа Х (поранешен Твитер).
Во својата официјална изјава, Крис Риди не ги наведе причините за оставката од функцијата во компанијата на Елон Маск. Тој само изрази благодарност за „можноста да се работи со толку многу прекрасни луѓе и да се научи толку многу“.
Риди се приклучил на Твитер во 2012 година, а досега работел на неколку позиции во компанијата. Минатиот ноември беше назначен за глобален директор за маркетинг и продажба, откако тогаш новиот сопственик на компанијата, Елон Маск, го отпушти неговиот претходник Робин Вилер.
Оттогаш, заедно со извршната директорка Линда Јакарино, Крис Риди работеше на враќање на довербата на огласувачите во Твитер, која беше нарушена поради турбулентниот период на преземање на компанијата од страна на Маск.
Се чини дека напорите на Риди и Јакарино веќе донесоа одреден успех. Па така, претходно оваа година, компанијата соопшти дека мнозинството од 100-те најголеми огласувачи во 2022 година се вратиле на платформата и продолжиле со своите огласувачки инвестиции.
After 11.5 years, today will be my last day working for TWTR / X.
I have nothing but appreciation for my time here. I am so grateful for the opportunity – to work with so many wonderful people and to learn so much. Life changing.
Thank YOU to everyone that helped make it…
— Chris Riedy (@chrisriedy) October 6, 2023