Во рамките на програмата Digital News Initiative Innovation Fund, Гугл ќе поддржи висококвалитетно новинарство во технологијата и иновациите
Апликациите за повикот на Гугл за доделување грантови за иновации во дигиталните медиуми треба да покажат нов начин на размислување и развој на бизнис модели, дури и на начинот на кој публиката ги конзумира вестите во дигиталната сфера.
“Новите пристапи никогаш не биле попотребни, па затоа е време да експериментираме, да донесеме иновации и да пробаме нешто ново. Ние сме подготвени и чекаме да ви помогнеме да ги реализирате вашите идеи “, соопштија од Гугл.
Претходно оваа компанија одвои 90 милиони евра за 460 проекти од 29 земји. Еден од нив е проектот Local Recall за модернизирање на архивските содржини и нивно приближување до пошироката публика, како и видео сервисот на Ројтерс, кој ќе ги поврзува кратките клипови и ќе прави персонализирани информативни програми.
Апликациите треба да имаат јасно дефиниран финансиски план, освен оние проекти каде што прототипите дополнително ќе се развиваат и тестираат. Лимитот за еден проект е еден милион евра, а исклучоци се можни за големи меѓународни и меѓусекторски проекти за соработка.
