Во средата, Гугл објави дека потпиша неколку договори за лиценци со италијански медиуми, со што се отвора патот за надоместок на издавачите според законот утврден од Европската директива пред две години
Овие договори ќе им овозможат на италијанските издавачи пристап до Google News Showcase, новата програма која Гугл ја најави минатата година преку која на медиумите ќе им се наплаќа збогатениот избор на содржини.
Одделно потпишани, овие договори претставуваат важна етапа во односите на Гугл со италијанските издавачи, преку плаќање на издавачите во рамките на Google News Showcase, објасни американскиот гигант во соопштението.
Google News Showcase “ќе биде достапен во Италија во следните неколку месеци”, прецизираше компанија. Овие договори претставуваат важен чекор и потврда за обврската на Гугл спрема италијанските издавачи, рече Фабио Ваккароно, генерален директор на Гугл Италија.
Меѓу потписниците на договорот се RCS MediaGroup, Il Sole 24 Ore, Gruppo Monrif, Caltagirone Editore, Il Fatto Quotidiano, Libero, Il Foglio, Il Giornale, Il Tempo, Ciaopeople, Edinet, Gruppo Corriere, Citynews и Varese web.
„Плаќањето на информациите, вклучувајќи ги и правата во однос на дигиталната дистрибуција на содржини, се главните теми за кои се бореше нашата издавачка група“, изјави Џузепе Кербоне, шеф на водечката економски весник Il Sole 24 Ore.