Home » Во фокусот » Имиџ ПР одбележа 15 години од работењето

Имиџ ПР одбележа 15 години од работењето

Со промоција на првата македонска современа бајка „Мистериозното јајце“, Агенцијата за односи со јавност и комуникациски менаџмент Имиџ ПР одбележа 15 години делување на македонскиот пазар. „Мистериозното јајце“ е современа бајка од младиот Оливер Коларевски, кој освен што е автор на приказната, целосно ги изработи и илустрациите.

Имиџ ПР е првата специјализирана агенција за односи со јавност во Македонија, која во изминатиот период, освен во корпоративниот сегмент, работеше и на развојот на професионалните и етички стандарди во струката. Како пионер во оваа област во Македонија, тимот на Имиџ ПР има одржано стотици часови едукација за подигнување на стандардите во примената на односите со јавност, наменети пред сѐ за идните професионалци во овој домен.

Наша мисија во изминатите години беше креирање успешни приказни и нивна афирмација во јавноста, базирани на факти и во насока на создавање нови вредности за целото општество. Развојот на заедницата е одговорност на сите нас, па тргнувајќи од таа максима, целта на Имиџ ПР беше и останува, преку поврзување на различни субјекти, да создава нови можности што ќе креираат развој. Остануваме посветени на тоа и ветуваме уште многу нови успешни приказни за сите“, истакна Ангелка Пеева Лауренчиќ, директор на Имиџ ПР.

Имиџ ПР е и првата и досега единствена агенција од Македонија која ја доби престижната награда „Golden World Award” на Интернационалната асоцијација за односи со јавност – IPRA во 2016 година, за кампањата на ЕВН Македонија „Енергетска математика“.

Определбата за развој на професијата, промовирање на нејзините професионални и етички стандарди продолжува и во следниот период. Имиџ ПР на сите заинтересирани поединци ќе им овозможи обуки од областа на односите со јавност и комуникацискиот менаџмент.

Имиџ ПР, како општствено одговорна компанија, ги поддржува сите активности на Движењето за поддршка на креативноста „Браво сине!“, чија цел е поддршка на млади креативци. Првата современа бајка „Мистериозното јајце“ издадена од издавачката куќа Арс Ламина е проект поддржан токму од „Браво сине!“ и Имиџ ПР.

Автор Marketing365

Маркетинг365 (М365) е прв македонски портал кој во фокусот ја има маркетинг, медиа и ПР индустријата во Македонија. Формиран е во 2011 година и во своето досегашно постоење има добиено неколку домашни и меѓународни признанија вклучувајќи ги и “Блог на годината“ (прво место, 2011 и 2015 год.), “Највлијателен балкански блог кој доаѓа од Македонија“ (прво место 2012) и “Најдобар бизнис-информативен веб сајт“ (второ место, 2014). Почнувајќи од февруари 2015 година, Маркетинг365 е официјален претставник во Македонија на најпознатиот светски креативен фестивал Cannes Lions. Тимот на М365 го сочинуваат активни професионалци од маркетинг, медиа и ПР индустријата во Македонија. e-mail : contact@marketing365.mk

Leave a Reply

Your email address will not be published. Required fields are marked *

*

Marketing365 Marketing365 Marketing365