Како и што најавивме на крајот од завчерашната анализа на ФБ активностите на трите водечки мобилни оператори во Македонија, продолжуваме да го анализираме настапот на социјалните медиуми на T-Mobile, ONE и Vip, во истиот период, овојпат на сервисот за микроблогирање Твитер.
По број на следбеници (followers) операторот ВИП се издвојува на првото место со неверојатни 19.423 следбеници, потоа следат Т-Моbile MK со 4.227 и ОНЕ со 4.047.
Сега да видиме што мислат следбениците за постовите кои овие 3 компании ги споделуваат, поточно која компанија има најмногу ретвитови + фејвови во анализираниот период:
![Followers + RT](http://marketing365.mk/wp-content/uploads/2014/11/Followers-+-RT.png)
Како една од најбитните метрики при анализата на однесувањето на компаниите на Твитер е процентот на конверзации (conversations). Оваа метрика покажува колку една компанија вистински комуницира со своите следбеници или пак спротивно на тоа премногу практикува еднонасочна комуникација.
Сите 3 оператори ја надминуваат границата од 50% ( репер процент за минимум комуникација), но разликата има.
![slika 2 - kako tvitaat operatorite](http://marketing365.mk/wp-content/uploads/2014/11/slika-2-kako-tvitaat-operatorite.jpg)
Ако на процентот на конверзации го додадеме и просечното време кое им е потребно на 3те мобилни оператори да одговорат на барањата на своите корисници на оваа социјална мрежа, тогаш ОНЕ се истакнува со најбрза онлајн корисничка поддршка.
![slika 3 - kako tvitaat operatorite](http://marketing365.mk/wp-content/uploads/2014/11/slika-3-kako-tvitaat-operatorite.jpg)
На крајот останува да го погледнеме и перформанс индексот (The Profile Performance Index) кај 3-те компании кој всушност преставува кумулативен процент од следниве критериуми: вклученост и раст на следбениците во сооднос со нивниот вкупен број.
Во набљудуваниот период состојбата е следна:
![slika 4 - kako tvitaat operatorite](http://marketing365.mk/wp-content/uploads/2014/11/slika-4-kako-tvitaat-operatorite.png)
Се разбира ова не се единствените метрики за анализа на работењето на најголемите бизнис компании во Македонија, и треба да се има во предвид фактот дека користевме разни алатки (SocialBakers, FanPage Karma, Allin1Social….кои секако може да ги користи секој и да ги провери овие бројки) и кои ја отсликуваат сликата во моментов т.е. последните 100-тина ден (поточно алатката даваше податоци за trial период од 15 дена и преглед наназад од дополнителни 90 дена), но неможам да не забележам дека кумулативно кај ОНЕ се забележува фокус на брза и квалитетна корисничка поддршка, квалитетна содржина која нејзините фанови и следбеници ја препознаваат и согласно на тоа, социјалните профили на ОНЕ имаат и најголема вредност во однос на бројот на фанови и следбеници, содржина, вклученост и интеракции.
Помина времето кога компаниите беа во потрага на само што поголем број на фанови и следбеници, а и самите социјални медиуми не се само уште еден канал каде компаниите може само да ги промовираат своите производи и услуги.
Само брендовите кои се во честа, навремена и квалитетна комуникација со својата публика можат да и донесат најголема додатна вредност на својата компанија и да ги валоризираат своите вложувања во овој сегмент на долг рок.
Има ли сеуште некој кој не мисли така?:)