Долгогодишното „владение“ на McDonald’s како најголем ланец на локали за брза храна и пијалаци во светот е предизвикано од кинескиот бренд Mixue Ice Cream & Tea кој официјално го надмина McDonald’s во вкупниот број на локации.
Веќе од септември 2024 година, кинескиот гигант за чај и сладолед оперира над 45.000 локации на глобално ниво, надминувајќи ги 43.000 ресторани на McDonald’s и 40.199 кафулиња на Starbucks.
Основан во 1997 година од Џанг Хонгчао во Женгжу, брендот Mixue започнал како скромна продавница за ледени десерти и пијалоци. Со текот на годините, брендот прераснал во огромна франшиза, главно благодарение на ниските цени и рационализираниот бизнис модел.
И покрај големиот број локации, Mixue сè уште заостанува зад McDonald’s и Starbucks во однос на своето глобално присуство како и вкупните приходи. Речиси 90% од локации на Mixue се наоѓаат во Кина, но компанијата веќе започна да се шири во Југоисточна Азија, вклучувајќи ги Тајланд, Сингапур, Виетнам, Индонезија и Малезија.
Брендот има планови да влезе на американскиот пазар и потенцијално да стане сериозен предизвикувач на етаблираните западни ланци на слаткарници, особено со оглед на неговите конкурентни цени и високо ефикасниот синџир на снабдување.
