Американските маркетинг холдинг компании MDC Partners и Stagwell Group постигнале договор за спојување во една глобална маркетинг мрежа која автоматски ќе биде дел од десетте најголеми такви компании во светот.
Претседателот и генерален извршен директор на MDC, а истовремено и менаџинг партнер во Stagwell, Марк Пен, ќе ја врши функцијата на претседател и генерален извршен директор на здружената компанија, при што менаџерскиот тим ќе се состои од директори од двете компании.
Новата здружена компанија ќе има 8,600 вработени во 23 земји ширум светот, а инвестициите ќе се движат во насока на проширување на услугите на глобално ниво, како и за воведувње на повеќе производи и услуги од областа на дигиталниот маркетинг. Од компанијата очекуваат дека до 2025 година ќе постигнат приход од 3 милијарди долари. Нивните медиумски и податочни операции ќе управуваат со 4.4 милијарди долари во медиско трошење.
Дел од мрежата на Stagwell се агенциите: Code and Theory, ForwardPMX, Grason, Harris Insights & Analytics, HarrisX, Ink, Locaria, MMI Agency, Multiview, National Research Group, Observatory, Reputation Defender, Scout, SKDKnickerbocker, Stagwell Tech, Targeted Victory и Wye Communications.
Дел од мрежата на MDC Partners се агенциите: Doner, KWT Global & HL Group, Anomaly, 72andSunny и Crispin Porter + Bogusky.