Компанијата Alibaba ја именува MediaCom за своја медиска агенција, која ќе управува со медиската стратегија и закупот, во рамките на напорите на кинескиот гигант за е-трговија да ја продолжи својата амбициозна меѓународна експанзија, особено на американскиот пазар.
Назначувањето следеше после питчот во кој беа вклучени Publicis Media, Dentsu Aegis и Wavemaker, а вклучува медиумски услуги за Tmall World, Taobao International, Alibaba Cloud и Dingtalk.
MediaCom е задолжена да помогне во зголемувањето на прометот и стапката на конверзија на Tmall World, веб-страница за е-трговија која опслужува речиси 100 милиони Кинези ширум светот. Тие, исто така, ќе имаат задача да ја подигнат свеста за услугите на Alibaba Cloud и Dingtalk.
Со акаунтот ќе управува MediaCom Кина, при што агенцијата тесно ќе соработува со локалните пазари.