Вклучени се и Google, Facebook и LinkedIn
Пандемијата на коронавирусот има големо влијание врз светската економија. Конкретно на пазарот на трудот милиони луѓе ги загубија своите работни места, а само во Америка невработеноста го достигна нивото од Големата депресија.
Технолошките компании сега го надоградуваат својот бизнис за да се обидат да се справат со кризата, а најновата компанија на тој фронт е Мајкрософт.
Компанијата започна глобална платформа која нуди бесплатна обука за стекнување вештини за луѓето кои ги загубија своите работни места.
Покрај тоа, „Мајкрософт“ најави распределба на грант од 20 милиони долари на непрофитни организации кои работат за да им помогнат на оние што ги загубија своите работни места поради пандемијата, со посебен фокус на оние што работат со групи кои не се доволно застапени во технолошкиот свет.
Вклучени се и Google, Facebook и LinkedIn
И други технолошки компании исто така се обидуваат да ги искористат своите платформи за да им помогнат на оние кои се погодени од пандемијата.
Google создаде специјални портали за да ги информира луѓето за локалната, националната и глобалната состојба во врска со пандемијата.
Facebook изработи информативен портал и исто така им отвори пат на луѓето кои нудат волонтерска помош на оние на кои им е најпотребна во нивната заедница.
Парите што Мајкрософт ќе ги даде на непрофитните организации се насочени кон широк спектар на организации. Така, средствата ќе бидат наменети не само за организации кои имаат за цел да помогнат во учење на нови вештини, туку и кон оние кои нудат помош за одредени групи.
Веста за обуката што ја нуди Мајкрософт е особено значајна затоа што е во соработка со LinkedIn, социјална мрежа и платформа за професионална едукација, која во 2016 година заработи 26,2 милијарди долари.
Иако припаѓаат на иста компанија, често се случува соработката меѓу нив да ослабне, иако овој потег е голем исчекор.
Мајкрософт напоменува дека, користејќи податоци од LinkedIn, идентификувал 10 специфични технолошки работни места кои моментално се во голема побарувачка, а нивната побарувачка ќе расте и во иднина.
Се работи за овие 10 обуки:
- Software Developer
- Sales Representative
- Project Manager
- IT administrator (Prepare for CompTIA Network+ Certification)
- Customer Service Specialist
- Digital Marketing Specialist
- IT Support / Help Desk (Prepare for the CompTIA A+ Certification)
- Data Analyst
- Financial Analyst
- Graphic Designer
Покрај напорите за онлајн учење, LinkedIn е посветена на воведување начини за оние кои сакаат да го користат LinkedIn полесно да најдат работа, а за оние кои сакаат доброволно да им помагаат на другите, да можат да даваат совети и менторство или да обучуваат за да бидат подобри во интервјуа за работа.