Во рамки на конференцијата Digital Day, на 9 јуни беа доделени наградите IAB MIXX за најдобрите дигитални кампањи и проекти во Србија во 2021 година. По тој повод, кампањи на McCann Белград беа наградени во категориите Best Cross Media Integration, Best Innovation, Best E-Commerce Campaign, Best Social Influencer Marketing, а во рацете на тимот на McCann Белград отиде и Grand Prix наградата! Наградени беа кампањите Superhero, направени за клиентот Mastercard во соработка со агенциите Drive и Chapter 4, како и заедничката кампања Back to school на агенциите McCann Белград и Drive, наменета за клиентот Delhaize Србија.
Кампањата Superhero, отпочната на крајот на минатата година, заеднички имплементирана од McCann Белград, Drive и Chapter 4, доби награди за „Најдобра вкрстена интеграција на медиумите“, „Најдобра иновација“ и „Најдобра е-трговска кампања“. Во рамки на оваа кампања беше лансирана Mastercard онлајн платформа за донации, Superhero.rs, наменета за собирање средства за изградба на Родителскиот дом на организацијата NURDOR, преку купување на колекцијата на улична мода Superhero или редовни донации. Се работи за одржлива идеја, со оглед на тоа што е предвидено проектот да продолжи да живее преку нови колекции за секоја сезона. Дека кампањата беше повеќе од успешна докажува и главната награда на вечерта, Grand Prix наградата на Mixx Awards.
Кампањата „Чиста петка за враќање во училиште“, имплементирана за Delhaize Србија, која беше наградена во категоријата „Најдобар инфлуенсер маркетинг“, е одличен пример за успешна интеграција на офлајн и онлајн каналите за комуникација. Иновативниот пристап кон стандардната понуда на училишната програма беше крунисан со ангажман на инфлуенсери кои се добро познати на децата од училишна возраст – Ана Лазаревиќ и Андрија Јовиќ, кои преку традиционални и дигитални комуникациски канали промовираа ограничена серија на облека со нивните потписи. Ваквиот пристап беше препознаен и награден од жирито на IAB MIXX.
