Модната групација Kering, во чија сопственост се наоѓаат брендовите Gucci, Yves Saint Laurent, Balenciaga и други, ја назначи iProspect од групацијата на Dentsu за своја нова медиска агенција.
Ревизијата на медискиот договор на Kering започнала ова лето, а била предводена од компанијата за иновативни деловни услуги R3.
iProspect ќе биде задолжена за сето медиско планирање и закуп на Kering Group и сите нејзините брендови на 42 пазари низ светот каде модната групација има свое медиско присуство.
Под капата на Kering се наоѓаат брендовите Gucci, Yves Saint Laurent, Balenciaga, Alexander McQueen, Bottega Veneta, Brioni, Boucheron, Qeelin, Dodo, Pomellato, Ulysse Nardin, Girard-Perregaux и Kering Eyewear.
Според различни извори, во текот на 2020 година, Kering Group на медиски активности глобално потрошила помеѓу 140 и 566 милиони американски долари.