Најдобрите и најнаградувани светски креативци и комуникациски стручњаци од агенциите DAVID The Agency Miami, Publicis Spain, McCann London, Alkemy digital_enabler, Cheil Worldwide, The Big Now Italy, DDB Budapest, како и од компаниите Mastercard и MARS, се само некои од предавачите напеттиот, јубилеен фестивал на интегрирани комуникации – KAKTUS 2019. Фестивалот ќе се одржи на 29 и 30 октомври во Madlenianum Opera&Theatre, Белград, Србија, под слоганот “Make room for a new BLOOM“.
Како и минатата година, KAKTUS 2019 ќе им понуди на учесниците квалитетна и разновидна програма во различни области на интегрирани комуникации, а фестивалот ќе го отвори еден од најнаградуваните американски креативци, Jean Zamprogno a.k.a Zampa, креативен директор на агенцијата DAVID The Agency, Miami (USA). Во 2018 година, тој беше избран од Business Insider USA како една од 35-те ѕвезди во подем кои ја менуваат адвертајзинг индустријата (35 under 35). Оваа година, тој стигна до престижната листа на AdWeek – Creative 100, каде се најде меѓу највлијателните креативни лидери во годината.
Меѓу главните говорници оваа година се и Skaiste Sruogaite, Corporate Affairs Director for Baltics, Balkan, Adriatic, MARS Central South; Ioanna Mingou, Director in Consumer Marketing, Mastercard Europe и еден од најпочитуваните глобални креативци Eduardo Marques, Chief Creative Officer, Publicis Spain, кој ќе го затвори годинешниот фестивал.
Во текот на двата дена, на учесниците на фестивалот ќе им се претстави и Emanuele Nenna, ко-основач и извршен директор на агенцијата The Big Now (Италија); Mihai Gongu, извршен креативен директор за ЈИЕ, Cheil Worldwide; Regan Warner, креативен директор во агенцијата McCann London; Giorgio Chiaramonte, Senior Director во компанијата Alkemy digital_enabler (Италија); Karolina Galácz, креативен директор во DDB Budapest (Унгарија) и многу други.
Првиот и вториот ден ќе бидат организирани и неколку креативни дискусии на тема “Content creator vs. Influencer – what comes first?” во кои ќе учествуваат блогери и инфлуенсери од целиот регион; “Breaking the sylos: agencies, tehnology and startups”; “Execution is King. How I Stopped Worrying About Ideas?” и “Business, Brands and Agencies – What’s Next?”. За вториот ден на фестивалот е планирана и ЛЕГО работилница под назив „Future Skills for Today’s Talents“.
Оваа година, фестивалот донесува и бројни новости преку Денот на иновации и Денот на таленти.
Покрај предавањата од врвни експерти од целиот свет, во рамките на првиот ден на Фестивалот KAKTUS 2019 – Ден на иновации (Powered by MARS), Маркетинг мрежа ќе организира програма за менторство и обука за стартапи од регионот на Југоисточна Европа. Програмата ќе опфати стартапи од MarTech, AdTech, Gaming и FinTech (blockchain) индустријата, во сите фази на развој (Alpha, Beta, Growth). Обуките и менторските сесии за стартапи ќе опфаќаат теми од различни области на бизнис, маркетинг, комуникации, дигитал и медиуми, предводени од признати експерти од овие области од Србија, регионот и Европа. Исто така, во рамките на Денот на иновации на Фестивалот KAKTUS 2019, ќе се одржи финалето на MarTech Challenge 2019 натпреварот за стартапи во областа на маркетинг, организиран од DIRECT MEDIA United Solutions во соработка со партнери, вклучувајќи ја и Маркетинг мрежа.
Во рамките на вториот ден од фестивалот KAKTUS 2019 – Ден на таленти (powered by Mastercard), покрај предавања и работилници на врвни експерти од целиот свет и традиционалното доделување на KAKTUS наградите за најдобрите во професијата, Mаркетинг мрежа ќе организира натпревар за млади таленти од агенции на возраст до 32 години. Целта на овој натпревар е да ги поттикне и мотивира младите луѓе во креативната индустрија, но и да и` укаже на стручната јавност на нивните таленти и креативност. Ова натпреварување е од хуманитарна природа, а проектите и идеите што ќе се создадат во рамките на натпреварот, ќе бидат донирани на социјално претпријатие или здружение на чиј бриф учесниците ќе имаат задача да одговорат.
Покрај тоа, ќе биде организирана и промоција на публикацијата ADBOOKA, како и годишно доделување на наградите KAKTUS 2019. Наградите се доделуваат во 23 категории, a ги добиваат организации, компании, институции и агенции за најквалитетните и најпрофесионални поединечни и интегрирани кампањи во изминатата година. За тоа кој ќе ги добие овогодишните награди KAKTUS, одлучува стручно жири кое е составено од 26 угледни професионалци од креативни, ПР и дигитални агенции, како и продукциски куќи од Србија и регионот. Конкурсот е отворен до 20 септември.
Повеќе информации за фестивалот KAKTUS 2019 можете да пронајдете на сајтот www.kaktus.rs.