Во соработка со Фондацијата Даунов синдром од Порторико, агенцијата започна кампања наречена Најсреќните вести
После пандемијата што ја доживеавме изминатата година, и вестите на крајот на годината беа полни со негативни и обесхрабрувачки информации. Но, од агенцијата Sajo // McCann Порторико сакаа да ја покажат и другата перспектива за крајот на 2020 година и почетокот на 2021 година. Во соработка со Фондацијата Даунов синдром од Порторико, тие ја создадоа кампањата „Најсреќните вести“, во која според агенцијата можеме да ги видиме најоптимистичките луѓе во светот: младите луѓе кои се поддржани од оваа институција.
Тие се појавија во информативната програма што се емитуваше во различни формати, каде што фокусот беше ставен на едукацијата, миленичињата, бракот и раѓањето, а сè беше презентирано на последниот ден од 2020 година, преку нестандардни активности на социјалните мрежи, магазини, билборди и телевизија.
Виктор Кабезаса, потпретседател на Sajo // McCann изјави: „Прикажавме значајни и позитивни секојдневни моменти во последните неколку месеци, кои уште повеќе се ценети кога ќе му ги покажете на светот вештините на овие момчиња и девојчиња кои можат да читаат и да глумат без никакви проблеми и со тоа да ја променат перцепцијата која ја имаат многу луѓе кога станува збор за Дауновиот синдром“.
Карлос Велеза, претседател на Фондацијата, смета дека иницијативата е „пример за потенцијалот и посветеноста на овие момчиња и девојчиња од нашата институција кои со голема посветеност се подготвија за овој предизвик. Со оваа иницијатива тие покажуваат дека ако можат да направат информативна емисија, можат се’!“
