Пандемијата на корона вирусот го промени нашиот секојдневен живот без исклучок. Повеќето граѓани сè уште го поминуваат најголемиот дел од своето време во четири sида.
Заради систематска дискриминација, припадниците на ЛГБТ + заедницата, за жал, поминуваат поголем дел од својот живот во своите четири sида во страв од отфрлање, осуда, недоразбирање и насилство.
Иако Парадата на гордоста во Белград донесе одлука, во согласност со новонастанатата ситуација и принципите на солидарност и одговорност, годинешната Парада да не се одржи во традиционална форма на прошетка, тоа не значи дека борбата за еднакви права и правна заштита може да се стави во мирување. Овогодинешниот слоган на Парадата на гордоста во Белград е „Солидарни и во четири sида“.
Насилството, дискриминацијата, предрасудите, недоразбирањето и стравот од одбивање се „камчиња во обувките“ на припадниците на ЛГБТ + заедницата кои постојано сметаат и кои спречуваат слободно движење низ животот.
Законските обврски на припадниците на ЛГБТ + заедницата се исти како и обврските на сите други граѓани, но правата што ги уживаат не се. Белградската Парада и целата ЛГБТ + заедница со години инсистираат на целосно спроведување на меѓународните стандарди и преземени обврски.
Барањата на „Белградската Парада на гордоста“, за жал, сè уште се исти бидејќи не е забележана значителна промена во законодавството, па затоа оваа година бараат:
- Донесување на Закон за регистрирани партнерства
- Усвојување на Закон за родов идентитет
“Со онлајн петицијата за усвојување на законот за регистрирани истополови партнерства, сакаме уште еднаш да привлечеме внимание на обврската на државата законски да ги регулира истополовите партнерства. Ова е изрична обврска на Србија од 2005 година, кога беше донесена пресудата на Европскиот суд за човекови права во случајот Олиари и други против Италија, според која секоја земја членка на Советот на Европа е должна законски да го регулира животот на две лица од ист пол. Државите можат да изберат кој модел сакаат да го вметнат во законскиот систем, но истополовата заедница не може да биде изоставена од законот. Бидете еден од потписниците на петицијата со посета на страницата parada.rs/
Оваа година, акцент ставаме на солидарноста на сите припадници на ЛГБТ + заедницата во Србија, додека однапред се надеваме дека следната година слободно ќе шетаме по улиците на нашите градови обединети во борбата за човековите права и слободи.
Особено и се заблагодаруваме на Наташа Беквалац затоа што оваа година таа несебично ја поддржа ЛГБТ + заедницата и учествуваше во кампањата, и телевизијата Nova S, уредниците и водителката на емисијата “Меѓу нас“, Маја Николиќ. Голема благодарност и до Валентина Савиќ, вајар, која ни помогна да направиме камења со виножито, кои се симбол на годинешната кампања“, велат од агенцијата McCann Белград која ја реализираше оваа кампања.
