Швајцарската мултинационална корпорација за прехранбени производи Nestlé отпочна ревизија на својот медиски договор за европскиот пазар, барајќи нов агенциски партнер за интегриран пристап во комуникациите.
Од Nestlé посочуваат дека нивната главна цел е да имплементираат транспарентен и интегриран комуникациски пристап ориентиран кон максимален досег низ сите категории и пазари, нудејќи значителни придобивки во однос на ефикасноста и ефективноста.
„Потрошувачите денес сакаат пристап до стоки и услуги на свој начин, без оглед на каналот. Тие се грижат за одржливоста и здравјето. И тие очекуваат брендовите да понудат персонализирани решенија во реално време. За да ги задоволиме овие потреби, создаваме екосистеми без канали, напредувајќи секогаш врз основа на аналитика, ги прошируваме поврзаните операции и ја поддржуваме одржливоста. Сакаме да ја трансформираме и подобриме ефективноста и ефикасноста на нашите маркетинг инвестиции. Со подобрување на нашите процеси, елиминирање на дуплирањето и оптимизирање на трошењето, ќе генерираме значителни заштеди за реинвестирање во нашите брендови“ – објаснуваат од Nestlé.
Според компанија, процесот на медиска ревизија треба да заврши до крајот на 2023 година.
Nestlé на глобално ниво вложува по 2.6 милјарди долари за комуникациски активности. Швајцарскиот гигант моментално работи со повеќе агенциски групации ширум светските пазари, вклучувајќи ги WPP, Publicis, Dentsu и IPG Mediabrands.