Иако стриминг сервисите станаа сеприсутни во нашите животи пред помалку од една деценија, Netflix всушност постои четвртина век.
За да го одбележи својот 25-ти роденден, од Netflix објавија носталгично видео кое ги следи нивните корени сè до деновите на испорака на ДВД-а.
Компанијата е основана во 1997 година, иако својата веб-страница ја лансираше дури една година подоцна. Отпрвин, Netflix функционирал како поштенски сервис за испраќање ДВД-а од филмови до своите клиенти.
Повеќе години подоцна, онлајн стримингот стана реалност, а Netflix ја лансираше својата прва оригинална филмска серија “Lilyhammer” во 2012 годин. Оттогаш, платформата продуцирала бројни хитови меѓу публиката, како што се “Stranger Things”, “Money Heist” и “Squid Game”.
Во чест на својата важна годишнина, социјалните профили на Netflix споделуваат интересни, но помалку познати факти за компанијата. Дел од нив можат да се прочитаат и на нивниот веб-сајт во специјална објава посветена на годишнината.
Во продолжение погледнете го и видеото посветено на 25-роденден на Netflix:
