Брендот за спортска опрема Nike е во подготвителна фаза за отпочнување на глобална медиска ревизија, дознава адвертајзинг магазинот Campaign US.
Ревизијата се очекува да започне во првите месеци на следната година. Засега, Nike испратиле покана за учество, односно побарале понуда од сите големи медиски агенции во светот како GroupM, Omnicom Media Group, Dentsu Media, Publicis Media, IPG Mediabrands, Stagwell Media и Havas Media.
Откако иницијалните понуди ќе бидат разгледани, ќе биде направен потесен избор и ќе започне формалната ревизија која ќе ја води компанијата за деловни технологии и услуги R3.
Ревизијата ќе ги опфати брендовите Nike и Jordan, при што вредноста на вкупниот договор се проценува на околу 1 милијарда долари на глобално ниво. Ова ќе биде најголемата медиска ревизија на Nike во последната деценија.
Во моментов, медискиот закуп за Nike го вршат различни агенции во различни светски пазари – Mindshare во Европа, Assembly во Европа и Азија, Hakohodo во Јапонија, Wieden+Kennedy во САД итн.