Со објавувањето на нова хумористична реклама, технолошкиот гигант Apple се осврнува на еден клучен аспект од заштитата на корисничката приватност: здравствените податоци.
Дејството на рекламата се случува во некоја болничка чекална, каде што приватните здравствени проблеми на пациентите им се соопштуваат преку разглас. Излегува дека овие луѓе во одреден момент претерале со споделување на своите лични податоци на интернет, несвесни за оние кои демнеат од сенките.
Единственото лице кое не е вознемирено и не е засегнато од непријатното истекување на податоци е корисник на iPhone што ја користи специјалната апликација Apple Health. Видеото ја истакнува заложбата на компанијата дека ќе ги заштити приватните здравствени информации на корисниците од љубопитните очи и уши.
Имено, апликацијата Health е првенствено дизајнирана да ја почитува приватноста на една личност што дури ни Apple не може да ги прочита нивните здравствени податоци. Мерењата се генерираат, обработуваат и се складираат на уредот, а не на серверите на Apple, додека податоците се шифрираат „од крај до крај“. Овие информации можат се споделуваат само „со експлицитна корисничка дозвола“.
Погледнете го хумористичниот видеоспот: