Португалската агенција FCB Lisboa ја освои специјалната „Grand Prix For Peace“ при креативните награди PHNX Awards за 2023 година, благодарение на нивната кампања “Portuguese (Re)constitution”.
Во чест на годишнината од португалската „Револуцијата на каранфилите“ во 1974 година, креативците на победничката кампања ги искористиле сините моливи кои им биле омилени на цензорите за да го ревидираат стариот фашистички устав на државата, исполнувајќи го со песни и илустрации што ја воздигнуваат слободата. Кампањата исто така ја освои и Grand Prix наградата во категоријата Print.
Агенцијата Ogilvy Honduras ги освои главните награди во категориите “Strategy & Technique” и “Good Causes” со кампањата “Morning After Island”. Во знак на протест против забраната за итни апчиња за контрацепција, беше создаден остров во меѓународните води каде жените од Хондурас можеа легално да ги земаат лековите – и да протестираат против забраната.
AdForum ги основаше наградите PHNX за време на карантинот во 2020 година со цел да ја слави истрајноста на креативноста. Натпреварот продолжи да се развива како еден од најнеобичните настани во широкиот пејсаж на креативни награди. Неговото жири е составено не само од креативци, туку и од планери, директори, клиенти, ПР-овци, маркетери, консултанти… сите што ја сочинуваат нашата енергична индустрија.
Оваа година, повеќе од 800 членови на жирито ги оценувале пријавените кампањи онлајн, а победниците на Grand Prix награди потоа биле одлучени со дебата во живо. Во продолжение следува целосната листа на доделени Grand Prix награди на PHNX Awards по категории:
Film
VMLY&R Mexico – Shout
Print
FCB Lisboa – Portuguese (Re)Constitution
Digital
DDB Chicago – Apologize the Rainbow
Strategy and Technique
Ogilvy Honduras – Morning After Island
Design
Serviceplan Germany/Serviceplan Korea – Dot Pad
Good Causes
Ogilvy Honduras – Morning After Island
Grand Prix for Peace
FCB Lisboa – Portuguese (Re)Constitution
