Јужнокорејскиот производител на автомобили Hyundai лансираше нова кампања за американскиот пазар насловена „Conquer the Weekend“ („Освојте го викендот“), со цел промоција на новиот модел на теренското возило Santa Fe.
Во централниот спот на кампањата гледаме семејство на Викинзи кои тргнуваат на патешествие во недопрената дивина со цел да го искористат максимумот од својот викенд. Трансформирајќи го обичното во извонредно, кампањата ни илустрира како новиот Santa Fe ги воздигнува секојдневните искуства на патниците, поттикнувајќи ги да го прифатат својот „внатрешен викиншки дух“ и да ја откријат радоста на заедничкото учество во нови авантури.
„Со целосно новиот Santa Fe, носиме радост на секое патување на клиентите, без разлика дали тоа е извршување на работни обврски или одење на викенд во семејна авантура – Hyundai е тука за секој момент, без разлика каде ќе ги однесе нивното патување“ – вели Ангела Зепеда, генерална маркетинг директорка на Hyundai Motor America, додавајќи дека новиот Santa Fe е наменет за ригидна авантура преку спој на паметни иновации и удобни технологии, совршено отсликано во новата забавна кампања со семејство на Викинзи.
Кампањата е создадена во соработка со креативната агенција Innocean USA и продукциското студио Furlined, а ќе се спроведува со помош на медиската агенција Canvas.
