Порталот Маркетинг мрежа распиша конкурс за 5-тото национално доделување на годишните награди во Србија, KAKTUS 2019. Наградите се доделуваат во 23 категории, a ги добиваат организации, компании, институции и агенции за најквалитетните и најпрофесионални поединечни и интегрирани кампањи во изминатата година. Главните награди на фестивалот се, како и досега, Агенција на годината, Огласувач на годината и Интегрирана кампања на годината – Гранд При. Како и претходните години, KAKTUS 2019 ги слави само оние идеи кои излегуваат од границите на очигледното кои, и покрај тешките услови, инспирираат и произведуваат најефикасна комуникација со целните групи. Конкурсот е отворен до 20 септември.
Наградите ќе бидат официјално доделени на 5-тиот јубилејен Национален фестивал на интегрирани комуникации – KAKTUS 2019, кој ќе се одржи на 29 и 30 октомври во Мадленианум опера и театар, Белград, под слоганот „Make room for a new BLOOM“.
За тоа кој ќе ги добие овогодишните награди KAKTUS, одлучува стручно жири кое е составено од признати и угледни професионалци од креативни, ПР и дигитални агенции и продукциски куќи од Србија и регионот.
Жирито од Србија оваа година ќе работи во состав: Александра Радујко, Managing Director, New Media Team; Дејан Кривокапиќ, Art Director, Kreativa New Formula an element of Alkemy; Ива Џурковиќ, Managing Director, LUNA\TBWA и OMD Media; Иван Павловиќ, Co-Founder & CEO, Spring Onion Studio; Ивана Зековиќ, Creative Director, Saatchi & Saatchi Белград; Катарина Прибичевиќ, Strategic Planning Director, McCann Белград; Маја Јовановиќ, Account Manager, Degordian; Милош Скокиќ, Managing Partner, Žiška; Невена Милановиќ, Digital Account Director, Fullhouse Ogilvy; Слободан Јовановиќ, Founder & Creative Director, Coba & Associates; Вељко Голубовиќ, Executive Creative Director, New Moment New Ideas Company; Владимир Митровиќ, Creative Director, Ovation BBDO и Вољена Даничиќ, Head of Creative, Direct Media United Solutions.
Регионалното жири оваа година ќе го претставуваат: Дајан Јаворац, Founder & Creative Director, MANIA Advertising Agency (БиХ); Дарко Булдиоски, Founder, New Media (МК); Игор Младиновиќ, Chief Creative Director, Imago Ogilvy (ХР); Грегор Фирбас, Head of Digital, Futura DDB (СЛО); Катја Млакар, Creative Director, AVI (СЛО); Кристијан Андољшек, Senior Art Director, Innovatif (СЛО); Лука Бајс, Creative Director, Grey Љубљана (СЛО); Лука Перван, Creative Director, Señor (ХР); Мануела Шола, General Manager, Комуникациска лабораторија (ХР); Сашо Димитриевски, Partner, Member of Executive Board, Pristop Group (СЛО); Сашо Петек, Creative Director, Agencija 101 (СЛО); Сеан Поропат, Partner & Creative Director, Studio Sonda (ХР) и Томислав Бадер, Partner, Швајцарија (ХР).
Новитети во рамките на овогодишниот конкурс за наградите KAKTUS 2019 се три нови категории:
- Поединечни награди – EXECUTION (Дизајн и Продукција) – категорија која ја слави уметноста на реализацијата, а во која поднесените проекти ќе треба да го покажат своето знаење за продукација на решенија кои, благодарение на нови и креативни техники и вештини, доведуваат до иновативна реализација на идеите;
- Дигитална интегрирана кампања – категорија, во која се пријавуваат најдобрите кампањи кои се креирани исклучиво за онлајн комуникациски канали, со користење на најмалку три дигитални канали на комуникација – социјални медиуми, веб-сајтови, мобилни, IoT, AI, податоци, видео, апликации …;
- Интегрирана кампања креирана за друг пазар – со оваа категорија Маркетинг мрежа има намера да го промовира и да придонесе за извозот на креативните идеи, а се однесува на кампањи кои се креирани и реализирани од страна на агенции со седиште во Србија за регионален или глобален клиент, односно за друг пазар.
„Во изминатата година се реализирани голем број на интересни и иновативни кампањи за кои сметаме дека се вредни за внимание, како за стручната, така и за пошироката јавност. Конкурсот за наградите KAKTUS е можност да се измери дали се работи за навистина поинакви идеи и оние кои опстануваат, но исто така и да го оцениме и напредокот на професијата. Покрај тоа, оваа година фокусот на фестивалот е на таленти и иновации, бидејќи различниот пристап во адвертајзинг индустријата отвора нови агли и раѓа нови идеи. Очекуваме многу добри кампањи кои ќе укажат на трендовите на развој, но и на предизвиците кои ја одредуваат иднината на креативните индустрии во Србија”, рече Ивана Парчетиќ Митиќ, основач и уредник на порталот Маркетинг мрежа, кој е организатор на фестивалот KAKTUS 2019.
Условите за конкурсот, пропозициите и категориите, како и пријавниот формулар, можете да го пронајдете на сајтот www.kaktus.rs.