Извор: Trendwatching
Купувачите на козметички производи сакаат сè. Зошто да не?! Персонализација. Интимна врска со проверени инфлуенсери. Активизам. Охрабрување. Научни откритија. Природни, еколошки производи. Нови технологии. Да, некои од овие трендови се во судир едни со други, но оние брендови кои одговараат на предизвикот, ќе си отворат нова целна група, нови пазари и нови нивоа на значење. Погледнете ги петте неодамнешни инспиративни примери…
- L’Oreal
На американскиот пазар овој месец, компанијата го промовираше брендот Color & Co за фарбање коса во домашни услови. Купувачите го започнуваат своето искуство со видео советување во живо со лиценциран специјалист за фарбање на коса. Потоа Color &Co ја меша бојата по мерка на купувачот. Персонализираната формула, заедно со комплетот за фарбање, се испраќаат до домашната адреса на купувачите и може да се нарачаат повторно преку системот за претплата. Цената на пакетот започнува од 20 долари по кутија.
Оваа иновација е победничко решение. Услугата за претплата на Color & Co е директно поврзана со потрошувачот. Вклучува разговор во живо. Персонализацијата е во самата основа. Овде може да се научи многу, но две клучни точки се:
- Луксузот – кој е демократизиран. L’Oreal вели дека целта на брендот Color & Co е да го направи персонализирано врвното искуство на фризерски салон и достапно за повеќе луѓе. Што е лекцијата тука? Потрошувачите сè повеќе очекуваат врвно, луксузно искуство со што помали трошоци – и правилно користење на новите технологии и претплатнички модели на деловните активности тука може да ви помогнат.
- Freelancer економија. Color & Co покани искусни експерти за фарбање коса да се приклучат на заедницата на професионалци кои ќе им обезбедат првични видео консултации на купувачите. Во овој момент, овој вид на freelancer економии не е тренд, туку факт. Некои проценки сугерираат дека овој вид на соработници сочинуваат дури 40% од работната сила во САД. Може ли freelancer економијата да ви помогне да ја зголемите својата понуда? Да понудете поголеми придобивки? Можете ли да лансирате целосно нова услуга благодарение на тоа, како што направи L’Oreal со Color & Co? Само запомнете една работа: сè поголем број клиенти ќе очекуваат да обезбедите одлични услови за соработка со вашите freelance соработници.
- Sephora
Во првото тримесечје од 2019 година, францускиот козметички бренд Сефора започна лов на инфлуенсери на Инстаграм кои би биле дел од тимот #SephoraSquad. Сите активни корисници на Инстаграм можеа да се пријават – без разлика на бројот на следбеници. Без поставување огромен број следбеници како предуслов, Сефора во суштина бара да изгради што поразновидна база на влијание што ќе ги одразува разликите во самата корисничка база. Избраните кандидати ќе добијат едногодишен надомест и ќе бидат платени за нивната работа, како и ќе добијат бесплатни производи и пристап до разни нетворкинг настани и ментори. Полуфиналистите на проектот #SephoraSquad ќе бидат познати оваа недела.
Инфлуенсери без следбеници? Се разбира, на прво звучи многу чудно. Но, Сефора допира до длабоки и фундаментални промени во природата на „влијанието“.
Автентичноста го надминува дофатот. Маркетинг влијанието се гради околу идејата дека најдобрата реклама е усна препорака. Вистина. Но, во 2019 година Инста-влијанието стана бизнис од милијарди долари и премногу инфлуенсери проектираат слика за пластична неискреност. Во оваа средина, потегот на Сефора има смисла спрема автентичните корисници на Инстаграм поврзани со помали мрежи на луѓе – или т.н. нано-инфлуенсери. Не е ни чудо што Lush и Macy неодамна ги претворија своите вработени и суперфанови во бренд инфлуенсери.
- Shiseido
На почетокот на овој месец, Шисеидо стана првата светска мултинационална компанија за козметика во светот што отвори наменска канцеларија во близина на седиштето на Алибаба во Хангжу, Кина. Канцеларијата со вкупно 20 вработени ќе соработува тесно со платформата Tmall (B2C платформа на Алибаба B2C). Ова ќе му овозможи на Шисеидо да реагира брзо во областите на развој на производи, маркетинг и е-трговија како одговор на големите податоци и сознанија на корисниците кои доаѓаат од Центарот за иновации на Tmall. Првите производи развиени во соработка со две компании – Aquair шампони и есенцијални масла – ќе се продаваат исклучиво на Tmall.
- Boticário
Бразилската компанија за козметика Boticário Group во март објави дека ќе усвои специјално работно време за време на овогодишното Светско првенство во фудбал за жени, така што нивните вработени ќе можат да ги гледаат натпреварите на националниот тим. Во Бразил, вообичаено е нацијата да падне во транс кога игра машката фудбалска репрезентација, а работодавците често им овозможуваат на работниците слободни часови за да гледаат натпревари во живо. Boticário Group објави на социјалните медиуми дека ова лето ќе им овозможи на вработените да ја следат женската репрезентација како игра во живо на Светското првенство. Кампањата е наречена „Com Você Eu Jogo Melhor“ – „Со тебе играм подобро“ – а ги охрабри сите бразилки да го ценат женскиот фудбал и да ја поддржуваат женската репрезентација.
Без разлика дали ви се допаѓа оваа игра, овде лежат некои моќни лекции.
Интерната култура е бренд. Овај потег на Boticário Group беше врвен и без сомнение го поздравија сите вработени. Но, неговото влијание е далеку над четирите sидови на компанијата – го смени начинот на кој купувачите ја чувствуваат групацијата Boticário. Прашањето за вас гласи – каква значајна промена во интерната култура можете да направите за да ја претворите во привлечна приказна која ќе ја споделите со светот?
Нема повеќе криење. Идејата дека вашата интерна култура сега е дел од јавниот имиџ на вашиот бренд, може да изгледа застрашувачка. Но, потрошувачите не очекуваат вашата култура да биде совршена; тие само сакаат да ве видат како се движите во вистинската насока. Клучот овде е да избегнете промени во внатрешната култура кои се неискрени, невистинити или се обидувате да скриете големи недостатоци во вашето работење – за нив ќе се дознае и со право ќе привлечат критики. Долго пред овој потег, групацијата Boticário даде приоритет на половата еднаквост, а нивниот менаџерски тим е составен од 50% жени.
- Rohto
Јапонската FMCG корпорација Rohto неодамна ја лансираше својата Skin Aqua крема за сончање со наопаку отпечатен текст на пакувањето. Ова може да звучи како грешка во производството, но беше целосно намерно. Лимитираното издание на производот е дизајнирано за да биде фотографирано. Познат е како козметички производ со бисерни состојки кои ја прават кожата сјајна. Овој вид на производ го купуваат и користат оние што сакаат да се сликаат селфи. Затоа текстот на етикетата е напишат наопаку! Да се направи читлив кога камерата е насочена кон огледалото. На овај начин, блогерите за убавина и амбициозните инфлуенсери можат да го доловат совршеното селфи со овој производ.
Збунувачки? Залудно? Неискрено? Далеку од тоа. Затоа, приближете се до огледалото и запрашајте се:
Што би можеле вашите потрошувачи да направат со вашиот производ, освен што го користат за неговата примарна цел? Можеби културолошкиот феномен – како што е селфи-култура – го отклучи секундарниот извор на вредност.
Едноставно, неочекувано решение може да биде клучна точка за диференцијација. И, како во примерот погоре, тоа може да го зајакне вашиот маркетинг од уста до уста!
