(18.08.2020) – Пивскиот бренд Корона се здружи со агенцијата MullenLowe LA и легендарниот рапер Снуп Дог за да ја лансира својата најнова кампања насловена “La Vida Más Fina” или „Најдобриот живот“.
Welcome to #LaVidaMasFina. 🍻 pic.twitter.com/AkhSIKGCfX
— Corona USA (@coronaextrausa) August 17, 2020
Целосно интегрираната кампања е осмислена да ги обедини сите пивски вкусови од брендот Корона и има за цел да даде еден нов и пооптимистичен поглед кон животниот стил кој го застапува брендот, поттикнувајќи нé да уживаме во моментите и да наоѓаме радост и во малите работи.
„Не можете да изберете сé во животот, но секогаш можете да изберете да го пронајдете доброто во животот. Со сé што се случува во светот, тоа е перспектива која луѓето можеби навистина имаат потреба да ја слушнат токму сега. Здружувањето со бренд како Корона за да се охрабрат луѓето да најдат повеќе од доброто во животот, тоа е La Vida Más Fina,“ истакна Снуп Дог по повод лансирањето на кампањата.
No hurry, no worry. That’s how you find the fine life. #LaVidaMasFina pic.twitter.com/ioJPLqydCf
— Corona USA (@coronaextrausa) August 17, 2020
Кампањата беше лансирана на социјалните онлајн профили на компанијата, заедно со специјализирана колекција на анимирани слики преку платформата GIPHY. Таа ќе вклучува и телевизиски реклами од 15 и 30 секунди, како и повеќе дигитални и ПР активности. Од компанијата најавија дека наскоро во кампањата ќе бидат вклучени и други познати личности.