Српската Marketing mreža ги објави имињата на добитниците на престижните признанија Mark Awards, кои што на свечена церемонија на 23 октомври ќе им бидат доделени на стручњаци од компании во Србија за личен деловен и професионален успех. За признанијата оваа година биле номинирани дури 43 професионалци, а стручното жири одлучи да награди 12 од нив, кои во 2022/23 година оставиле значајна трага на српскиот пазар.
Во категоријата Chief Marketing Officer of the Year, наградата отиде во рацете на Александра Косановиќ Стрижак, директор на секторот за маркетинг и комуникации во Erste Banka, додека Милан Периќ, директор за маркетинг и комуникации во компанијата Carlsberg (Србија, Црна Гора, Босна и Херцеговина, Албанија), беше награден во категоријата Chief Marketing Officer of the Year – Multi Country.
Милица Гајиќ, маркетинг менаџер (за Najlepše želje и Menaž) во компанијата Atlantic Grupa е прогласена за победник во категоријата Brand Manager of the Year. Стефан Деспотовиќ, директор на Центарот за односи со јавноста при NIS, се истакна во категоријата PR/Corporate Communications Manager of the Year, а Вања Вагиќ, менаџер за корпоративни работи во Mars UBBAI, ја освои наградата во категоријата Internal Communications Manager of the Year.
Наградата за Employer Branding Manager of the Year отиде во рацете на Ивана Ерор Баук, раководител на одделот за ангажман со луѓето и културата во Delhaize Srbija. Признанието Digital Marketing Manager of the Year го доби Уна Забунов, раководител за дигитални маркетинг комуникации во Telekom Srbija, додека пак CSR/ESG Manager of the Year е Душан Стојаковиќ, виш менаџер за глобална одржливост во STADA Arzneimittel AG (Hemofarm AD).
Филип Ѓоровиќ, маркетинг директор во Shoppster Serbia & Slovenia, ја освои наградата во категоријата Rising Star of the Year, за маркетинг професионалци до 30 години. Лука Ѓукановиќ, маркетинг менаџер (за Bananica, Štark) во Atlantic Grupa, ја освои титулата Brand Innovator of the Year, додека Александра Милачиќ Јелача, маркетинг директор во The Fun&Fit Company, е добитничка во категоријата Super Hero of the Year, за маркетери кои, и покрај бројните кризи и пазарни предизвици, храбро продолжиле да комуницираат со потрошувачите.
На предлог на членовите на жирито, на Иван Жагар, виш бренд менаџер во Jaffa Crvenka, му беше доделена Специјална награда за неговиот личен придонес во развојот на професијата во Србија.
Жирито на Mark Awards го сочинуваа 15 истакнати професионалци – директори на компании, директори на креативни, ПР и дигитални агенции, како и еден претставник на организаторот, односно професионалните медиуми од Србија. Оваа година жирито беше во состав: Властимир Вуковиќ, извршен директор – претседател на Извршниот одбор на NLB Komercijalna banka; Бранка Пудрља Дурбаба, главен директор за продажба и корисничко задоволство, A1 Srbija; Горан Сорак, директор, Gorenje; Наташа Филиповиќ, управен директор, Ovation BBDO; Миливој Ѓорѓиќ, генерален директор за Јадранскиот регион, SmartPoint Adria; Катарина Прибиќевиќ, извршен директор, McCann Beograd; Ксенија Кариќ, генерален извршен директор на Schneider Electric за Србија и Црна Гора; Љиљана Ахметовиќ, извршен директор, Shoppster Serbia & Slovenia; Марина Хадровиќ, управен директор за Јадранскиот регион и Бугарија, Mondelēz International; Невена Куртовиќ, управен директор, Fusion Communications; Оливера Никодијевиќ, управен директор, Havas Adriatic; Виолета Ковачевиќ, извршен директор, Mercator-S; Предраг Милинчиќ, генерален директор, MARS Balkans; Сања Милаковиќ Колунџија, директорка, Executive Group и Ивана Парчетиќ Митиќ, основач и извршен директор на Marketing mreža.
Целта на Mark Awards е да ги поттикне и мотивира експертите за маркетинг и комуникации од компаниите во Србија, но и да ѝ укаже на стручната јавност за нивниот потенцијал, таленти, креативност и способност за постигнување врвни деловни резултати и препознатливост на брендот. Mark Awards е награда со која професионалниот портал Marketing mreža сака да промовира професионални модели, но и да придонесе за подобрување и развој на професијата во Србија.
За разлика од другите професионални награди на српскиот пазар, Mark Awards се доделуваат на поединци за личен деловен и професионален успех, односно на поединци кои оставиле свој белег на пазарот на маркетиншките комуникации во Србија во изминатиот период.
Повеќе информации и списокот на победниците со биографии и објаснувања од членовите на жирито се достапни на веб-страницата: https://mark-awards.rs/dobitnici/
Сребрен спонзор на проектот Mark Awards е агенцијата Cheil Centrade Adriatic. Бронзен спонзор е агенцијата SmartPoint Adria. Спонзори се Mercator-S, Carlsberg Srbija и Generali osiguranje. Агенциски партнер е Ovation BBDO.