На Олимпискиот стадион во Берлин во вторникот е претставено официјалното лого за Европското првенство во фудбал, кое ќе се игра во Германија во 2024 година.
Слоганот и логото на следното Европско првенство беа претставени во 20:24 часот по средноевропско време, за да ја симболизира годината на одржување на 17-тото Европско првенство.
Идејата е Европското првенство да биде настан каде што сите ќе бидат добредојдени и на кој ќе се слави различноста.
Основата за логото што ќе го претставува ЕУРО 2024 година се сите 55 членови на УЕФА и 55 знамиња обединети во шест бои, со контурите на легендарниот Олимписки стадион во Берлин, а во центарот е трофејот за Европското првенство.
И сето ова со порака – донесете ги вашите бои!
Слоганот „Обединети од фудбал. Обединети во срцето на Европа“, ја претставува обидинетоста на Европа и земјата домаќин која во 2024 година ќе биде центар на фудбалска Европа.
💛❤️🖤💚🤍💙
55 flags united by 6 shared colours+ Berlin’s iconic Olympiastadion 🏟️
= the UEFA #EURO2024 logo! 🙌
𝙐𝙣𝙞𝙩𝙚𝙙 𝙗𝙮 𝙁𝙤𝙤𝙩𝙗𝙖𝙡𝙡. 𝙑𝙚𝙧𝙚𝙞𝙣𝙩 𝙞𝙢 𝙃𝙚𝙧𝙯𝙚𝙣 𝙀𝙪𝙧𝙤𝙥𝙖𝙨. pic.twitter.com/zHTiwUQyew
— UEFA Nations League (@EURO2024) October 5, 2021
