На 27.12.2022 приватното средно училиште САБА го прослави својот 15-ти роденден. Роденденската прослава на која и претходеше настап на учениците од САБА, се одржа во свечената сала во хотел Мериот.
“Започнавме во септември 2007 година, како првото приватно средно стручно училиште во Македонија со име Средношколска академија за бизнис и администрација или скратено САБА. Во првата генерација се запишаа ученици кои учеа бизнис и право. Веќе следната година ги акредитиравме програмите за насоките информатика и туризам. Уште од самиот почеток не изненади интересот на ученици не само од Скопје, туку и од другите градови од Македонија, па затоа веке следната 2008 година отворивме паралелки и во Битола, а неколку години подоцна, во 2014 година, САБА се прошири и во Штип. Денес, после цели 15 години, може да се пофалиме со повеќе од 1.000 ученици кои завршиле во САБА, многу освоени награди, реализирани проекти, практична работа на учениците како во Македонија, така и во многу Европски држави” – вели Ангела Неновска Крстевска, координатор на училиштето САБА.
