Меѓународниот фестивал на креативноста Cannes Lions ги прогласи првите победници на овогодишното издание, и тоа во категориите: “Pharma Lions”, “Health & Wellness Lions”, “Outdoor Lions”, “Print & Publishing Lions” и “Radio & Audio Lions”.
Сајмон Кук, извршен директор на LIONS рече: „Со задоволство ги објавуваме нашите први добитници на „лавови“ кои ги подигнуваат креативните стандарди, како што глобалната креативна заедница се собра во Кан за да го поттикне напредок преку креативноста и да ја одреди креативната извонредност на глобалната сцена“ – посочи Симон Кук, извршен директор на Cannes Lions.
За категоријата “Outdoor Lions” се пријавиле вкупно 1,809 кампањи, а биле доделени 48 награди: 10 златни, 15 сребрени и 23 бронзени. Главната Grand Prix награда беше доделена на кампањата “Liquid Billborad” на Havas Middle East Dubai за клиентот Adidas.
Во категоријата “Print & Publishing Lions”, учество зедоа 795 кампањи, а 21 од нив добија награди: 4 златни, 6 сребрени и 10 бронзени. Притоа, Grand Prix наградата беше доделена за кампањата “The Elections Edition” на Impact BBDO Dubai за клиентот Annahar Newspaper.
За категоријата “Radio & Audio Lions” се пријавиле 692 кампањи, од кои 23 се закитија со награди: 3 златни, 7 сребени и 12 бронзени. Grand Prix наградата беше доделена за кампањата “The Unfiltered History Tour” од агенциите Dentsu Creative, Bengaluru / Dentsu Creative, Mumbai / Dentsu Creative, Guragaon, за клиентот VICE Media.
За наградите во категоријата “Pharma Lions” се натпреваруваа 298 кампањи, од кои 11 беа наградени: 2 златни, 4 сребрени и 4 бронзени награди, додека пак Grand Prix наградата му припадна на кампањата “I Will Always Be Me” од VMLY&R New York за клиентите Dell Technologies и Intel.
Во категоријата “Health & Wellness Lions” се пријавиле 1,213 кампањи, а биле доделени 38 награди: 7 златни, 11 сребрени и 19 бронзени награди. Grand Prix наградата беше доделена на кампањата “Lil Sugar – Master Of Disguise” од агенцијата AREA 23 за клиентот Hip-Hop Public Health.
Добитници на “Young Lions Print Gold” наградата беа Вил Сега и Рафаел Квинтал од Германија, за проектот “The Protest Cardboard”.