Нашите пријатели „Божиновски часовници и накит“, со кои долги години заедно делиме и споделуваме вредности на иновација, страст, храброст, креативност… и многу љубов за традицијата, луѓето и заедницата, пред некој ден беа цел на подмолен и срамен вооружен грабеж сред бел ден!
Очекуваме органите на прогонот да си ја завршат работата, а во меѓувреме го споделуваме писмото адресирано до разбојниците кое извира директно од големото храбро срце на тимот од Божиновски!
Вооружениот грабеж кој се случи во средата, сред бел ден, во салонот на Божиновски часовници и накит на ул. Македонија, во строгиот центар на Скопје, предизвика голема загриженост за генералната безбедност не само на вработените во компанијата туку и генерално на граѓаните во земјата. Во надеж дека надлежните органи ќе го расветлат случајот во најкус можен рок, сакаме да се обратиме до разбојниците – со надеж дека во земјава ќе надвладее разумот, а и дека надлежните органи ќе си ја завршат својата обврска:*******Драги “Easy money hunters,”Знаеме дека светот е полн со авантури и неизмерни богатства кои чекаат да бидат откриени. Но, некои богатства не се само за наоѓање – тие се заштитени, чувани и вредни повеќе од било кој плен. Во земја каде сред бел ден можат да те ограбат на сред град, ние, Божиновски, одлучивме да преземеме поинаков пристап кон нашето богатство – нашите часовници и накит, нашите вредности и традиција.Нашите производи се повеќе од сјајни метали и скапоцени камења. Тие се наследство на извонредна изработка, прецизност и елеганција. Тие се плод на генерации мајсторство и посветеност. За да се допре до овие богатства, потребно е нешто повеќе од желба за плен – потребно е да се има вистинска почит кон тоа што тие претставуваат.Ние знаеме дека во секој „easy money hunter“ има бунтовен дух, желба за откривање и авантура. Но, сакаме да ве потсетиме дека вистинските богатства се не само во она што се наоѓа, туку и во она што се цени и чува. Ние, Божиновски, сме тука да осигураме дека тие – вистинските богатства и вредности ќе останат сигурни и заштитени, без разлика на предизвиците со кои се соочуваме.Па, ако сте навистина „treasure hunters“ – го поздравуваме вашиот дух на авантура, но ве покануваме да го насочите кон вистинските вредности. Дојдете, откријте го нашиот свет, но со почит и восхит кон она што е највредно – нашето наследство, нашиот бренд и традиција на брендовите кои ги застапуваме.Со почит,Божиновски
р е к л а м а
р е к л а м а
