Начинот на кој музичарите и огласувачите работат зеадно претрпе револуција во последната декада. За почеток, брендовите веќе не употребуваат ‘пријателски џингл’ – туку, бараат песни со приказна, создаваат спомени и воспоставуваат трајни врски со луѓето.
“Музиката е чувството. Тоа е емоција на место,” изјави Joshua Rabinowitz, деректор на музика во Grey Group, за Adweek.
Само пред неколку години, поп и незвисните музичари – како и многу од нивните фанови – го сметаа за ‘продавање’ поврзувањето со одредени брендови или спонзори. Во раните 2000-ти овој начин на размислување почна да се менува. Откако електоник-музичарот Моби го издаде својот петти албум, Плеј, со слаб одѕив, немаше што да загуби со лиценцирање на секоја песна на албумот на филмови и комерцијални спотови. Резултатот од овој потег? Плеј беше продаден во 10 милиони копии.
Денес, артистите бараат начини како да ги монетаризираат своите дела и сериозно се загреани за идејата за соработка со брендови, бидејќи знаат дека ако маркетерите кои ќе работат на нивното поврзување со брендот, паметно си ја завршат својата работа…тоа ќе им донесе огромен бенефит, на сите. Овој нов бран на огласување доведе до повеќе брендирани музички видеа.
Во краткото видео подолу, Г-дин Jared Gutstadt, CEO на Jingle Punks и Г-дин Joshua Rabinowitz, ја објаснуваат важноста на музиката во денешниот адвертајзинг – и како од тоа поврзување бенефит добиваат брендовите, уметниците и потрошувачите.
Извор: AdWeek
