Светската иновација во областа на пласманот на телевизиските реклами – платформата VIDA, која на пазарот ја донесува компанијата United Media, сега е достапна и за клиентите во регионот
Со доаѓањето на новата технологија за прв пат, гледачите сега ќе можат да гледаат реклами кои се насочени кон нивната целна група.
VIDA (Video Dynamic Advertising) е технологија за пласирање на насочени видео реклами и во пракса им овозможува на домаќинствата додека гледаат иста програма, да им се прикажуваат различни реклами. На овој начин, огласувачите можат да ги испраќаат своите пораки до целната група на која се обраќаат и на територијата на која работат, што го прави просторот на телевизиско рекламирање подостапен за голем број мали и средни претпријатија.
Европската асоцијација на телевизиски и радио куќи (EGTA) ја издвои платформата VIDA, заедно со британски SKY Ad Smart и белгиски SBS Smart Ad, како единствени три вистински адресибилни платформи за огласување во Европа.
„Телевизијата останува и понатаму најважниот комуникациски канал, а со адресабилното огласување ги спојува и сите предности на дигиталните медиуми. Ги повикувам сите огласувачи да ни се придружат во креирање на модерно ТВ рекламирање во регионот. Дополнително би истакнала, дека заради напредните технолошки можности за грануларно пласирање на реклами, за прв пат рекламните позиции во ексклузивни телевизиски содржини се достапни за малите и средни бизниси“, рече Марија Матиќ, раководител на VIDA.
На развојот на оваа исклучителна иновација работаа членовите на United Grupа, првенствено компанијата United Cloud, а како партнер учествуваше и FreeWheel, дел од Comcast Grupа, лидер во оваа област на огласување.